意大利菜 @ Ciao Chow Italian Cafeteria

近排工作忙碌, 難得可以早一點放工, 便相約友人去了中環食飯輕鬆一下. 我地今次選了Ciao Chow Italian Cafeteria食飯.

店內環境偏向昏暗, 店舖外邊是飲野為主, 裡面是食飯.

我地點了兩款沙律.

一款是Funghi.

材料主要是蔬菜和菇為主.

菇好味道, 夠多汁, 而蔬菜也好新鮮.

另一款是Panzanella.

材料主要是蕃茄, 洋蒽, 青瓜, 橄欖為主, 沙律面放了芝士.

這個材料較多, 蔬菜同樣新鮮, 感覺清新.

食了開胃的沙律後, 就到主菜.

主菜點了Margherita Pizza.

這裡的薄餅是薄批.

薄餅材料主要是芝士, 蕃茄醬, 香葉等

雖然材料是簡單, 但半溶芝士和蕃茄醬是最佳拍檔, 味道不錯, 若個餅底可以脆一點會更加好味.

大蝦意大利麵.

麵條形狀和平日食的好不同, 這裡是一粒粒, 最初以為是米.

質感帶微微煙韌.

大蝦的肉質唔夠彈牙, 略有少許失望.

最後, 甜品是自家制的Tiramisu.

甜度適中, 忌廉夠幼滑. 而且中間部份唔會太濕, 啱我口味.

 

晚餐 @ The Oyster House

上星期日與好友去了位於灣仔的The Oyster House食晚飯.

一睇個店名, 就知道來這裡要食蠔.

由於我唔食生嘢, 但友人又好鍾意食蠔, 所以我地點了一個海鮮拼盤.

內裡包括兩隻新鮮空運生蠔, 兩隻北海道帶子, 兩隻法國黃金螺, 兩隻日式磯煮鮑魚和四隻紐西蘭青口. 當中有生有熟, 我地兩個也可以食.

這個海鮮拼盤, 逢星期一到四只需要$99, 星期五到日就$199.

黃金螺已整理乾淨, 只需要用义便能吉出螺肉, 非常方便.

螺肉都幾大隻, 入口幾爽口, 肉質也夠挺身.

磯煮鮑魚夠彈性, 唔會太硬, 好易切開.

 

青口尚算新鮮, 肉質有彈性.

三款中我最鍾意食磯煮鮑魚.

小食點了香辣雞翼和法國藍青口.

香辣雞翼.

雞翼是單骨雞翼, 食的時候好方便, 仲啖啖肉.

外層帶少許脆口, 肉質幾嫩滑, 加上惹味的醬汁, 令人好開胃.

法國藍青口.

我愛食青口, 所以點了這個.

青口用了白酒和蒜一齊煮, 所以幾香蒜味.

青口不算好大隻, 但幾飽滿, 味道調教不俗.

主菜點了香烤加拿大天然豬鞍和海膽意大利飯.

香烤加拿大天然豬鞍.

豬鞍是厚切, 口感較佳.

肉質幾嫩滑, 肉味也不錯. 肉汁仍然保留在豬鞍裡, 食的時候不覺得乾和硬.

配菜有蔬菜和薯蓉, 可以起中和作用.

海膽意大利飯.

海膽是一排上, 放在碟邊, 食時候可以混入一齊食.

由於我唔食海膽, 我只食意大利飯, 飯中混入了菇, 我單食, 味道還可以, 因為菇味幾濃.

這個意大利飯不算太膩, 食多幾啖也不怕.

最後是甜品時間, 選了香蕉拖肥批.

這個批分為三層, 最上層是忌廉, 中間是香蕉, 最底層是餅底.

忌廉夠幼滑, 再配上香蕉, 非常好味, 加上帶微脆的餅底和焦糖醬, 多重口感.

而且甜度適中, 我相信一個食晒也不覺得膩.

串燒 @ 鮮港式串燒吧

友人在觀塘返工, 所以相約在觀塘食飯. 這次友人帶我去工廠大廈食飯, 最後選了鮮港式串燒吧, 這裡是主打串燒.

我點了厚切牛舌串, 墨汁墨魚腸, 蘑菇雞肉飯團,煙肉芝士大蘑菇和燒鯖魚.

枱上有三款醬汁用來點食物.

厚切牛舌串.

一串有三件.

牛舌帶點咬口, 幾有彈性, 完全唔硬和乾身, 牛舌面加上黑胡椒粒, 特別惹味.

單食已經夠味. 也可以點醬一齊食.

墨汁墨魚腸.

覺得加入墨汁幾特別, 便點來試下.

外皮帶少許脆身, 內裡有一粒粒的墨魚粒, 多了一份口感.

鍾意食香腸的朋友, 來這裡要試下這個.

蘑菇雞肉飯團.

飯團外層略為燒過, 入口時感覺似食飯焦, 微微脆脆地.

唯一是內裡的饀就太少, 多一點, 感覺豐富一些.

煙肉芝士大蘑菇.

上枱時已香味撲鼻.

蘑菇能夠保持多汁, 完全不覺得乾身.

而且蘑菇面上放滿了芝士和煙肉, 雙重口感, 與蘑菇是最佳拍檔.