西班牙海鮮飯 @ LAVA Bar & Restaurant

早前與友人係聯合行完街後, 便係附近食飯, 今次選擇了一間叫LAVA Bar & Restaurant西班牙餐廳食嘢.

一睇個名就知道這間餐廳有不少酒精飲品選擇, 但我唔飲酒, 就點了Fresh Fruit Smoothie , 有幾款口味, 我選擇了桃味.

味道幾清新, 唔會太甜, 但也怕太稀, 太多冰打成, 但這杯卻不會.

小食點了鵝肝金莎85%黑朱古力.

見到這個菜式覺得好特別, 鵝肝配朱古力, 我從未試過, 幾有諗頭.

上枱時賣相精緻, 外型真係好似一粒金莎.

外層是金薄整成, 內裡是榛子, 再加上一層黑朱古力和鵝肝.

入口有鵝肝味道, 又有朱古力的香濃, 加埋榛子, 又咸又甜, 多重口感.

西班牙式香蒜虎蝦.

虎蝦幾大隻, 肉質夠爽口彈牙.

調味帶有些辣, 多了一份惹味.

而碟上一點點又黃又綠的顏色, 原來是加入海藻分子精華的青檸汁和檸檬汁, 除了令賣相更靚外, 可以點蝦食, 中和一下辣味, 啱晒較為怕辣的我.

西班牙海鮮飯.

份量大碟, 足夠兩至三人食用.

材料相當豐富, 有蝦, 蜆肉, 八爪魚, 辣肉腸等.

這個海鮮飯整法是焗, 再炒, 所以飯的質感是較濕, 無咁乾身, 加上調味汁, 非常好味.

而各式海鮮也夠新鮮爽口.

估不到太子也有一間不錯的西班牙餐廳, 以後又多一個食店選擇.