有得食又有得玩的甜品 @ HAFIE

當我知道天后開了一間新甜品店，愛食甜品的我, 當然要去一試.

店舖面積不算大, 大約有十多個位.

這裡的款式選擇不算好多, 但款式幾特別.

心大心細下, 選了其中兩款甜品.

新張優惠, 惠顧任何甜品, 奉送花茶一杯.

店員先奉上花茶.

味道幾清新, 與甜品是最佳拍檔.

脆脆拿破崙蛋糕.

除了主角拿破崙外, 仲有斑蘭雪糕, 還配上多款水果, 當中包括芒果, 梨,奇異果, 士多啤梨, 藍莓等, 非常豐富, 色彩繽紛.

拿破崙夠脆身和鬆化, 層與層之間的忌廉也幾滑身.

首次食斑蘭雪糕，味道不錯, 也幾香滑.

而且配有大量水果, 水果幾新鮮和甜口, 可以起中和作用.

蛋白楊枝甘露.

上枱時覺得賣相精緻.

店員先教我怎樣食這個甜品.

蛋黃由芒果汁整成, 而蛋白是椰汁椰漿加蛋白整成.

食的時候, 先整穿蛋黃, 再混入芒果汁, 跟著撈埋一齊便食得.

入口時充滿芒果的味道, 也食到一些芒果粒和柚子, 唯一是柚子有少許苦.

旁邊有半個新鮮芒果, 芒果肉幾甜, 又多汁.

這款甜品有得食, 有得玩, 又好味道, 師傅幾有創意, 玩味十足.