福岡草莓溶心芝士蛋糕 @ 諾亞半熟蛋糕專門店

上星期連續幾日的復活節假期, 其中一日去了尖沙咀行街, 期間也有得誠品, 我就順便去了諾亞買蛋糕.

今次見到福岡草莓溶心芝士蛋糕, 所以不作別的考慮.

店員問我要幾耐才返到屋企, 我話要個多鐘, 佢就放了一些乾冰在盒內.

返到屋企, 第一時間打開.

乾冰未完全溶晒, 蛋糕仍然保持着凍凍地.

盒面有貼上不同類型蛋糕的食用方法, 這樣唔怕搞錯.

福岡草莓溶心芝士蛋糕非常吸引.

蛋糕面全擺滿了士多啤梨,  而且每一粒都好大粒, 顏色又夠紅.

盒內已附有紙碟, 刀和义.

一切開蛋糕, 顏色好靚.

蛋糕分為兩層, 上層是士多啤梨, 下層是溶心芝士蛋糕.

士多啤梨夠大粒, 而且幾甜.

下層蛋糕的中間位置帶點溶溶地, 入口時有淡淡的芝士香味, 又夠滑身.

士多啤梨和蛋糕好夾, 雙重口感, 甜度適中, 令人食不停口, 又不覺得膩.