清酒煮大蜆 @ 幸村

一排無與友人見面, 便相約係銅鑼灣食飯, 這次佢提議去幸村食日本嘢, 反正我未試過這間食店, 一試無防.

入到店內, 店員安排我地坐壽司枱, 這樣可以看着師傅表演整刺身和壽司的情形.

而這裡的裝修以簡約為主, 俾人舒服的感覺.

由於我不食生嘢, 我就點了鹽燒牛舌和鹽燒鯖魚.

鹽燒牛舌厚薄適中, 入口帶點咬口, 加了鹽來燒, 更能帶出牛舌的鮮味.

鹽燒鯖魚, 初時以為是整條, 原來是半邊鯖魚.

鯖魚肉質幾鮮味, 口感不俗. 只需要簡單用上鹽便能帶出魚的味道.

清酒煮大蜆.

上枱時已被大蜆所吸引.

蜆好大隻, 夠飽滿和厚肉, 肉質鮮甜, 又彈牙. 入口時, 仲帶有微微的酒香味.

愛食海鮮的我, 決定再點一個海鮮來食, 最後選了明太子炸蝦.

這個份量都幾大, 除了炸蝦外, 仲有配料, 如茄子和南瓜.

連碟也好別緻.

炸粉夠薄身, 我最怕過厚的粉漿. 而且加入了明太子, 天婦羅顏色更靚外, 口感有點不同.

蝦夠大隻, 入口又爽口彈牙.

食完蝦, 再食茄子和南瓜, 可以中和一下.

而這個炸到好似一把扇咁, 是由麵條所整成, 好靚.