藥膳雞煲 @ 川味雞烤魚大王

上星期六趁假期, 入了荃灣探朋友, 並在附近食飯. 大家也知道荃灣多野食, 今次去了一間特色小店食, 就是位於大河道的川味雞烤魚大王.

一見到川味, 不食得辣的我都有點擔心, 但朋友叫我放心, 這裡的辣度可以選擇, 客人可以因應自己口味而選擇, 這裡最細就是BB辣.

小食點了涼伴粉皮和茴味雞翼.

涼伴粉皮份量都幾大碟.

除了粉皮外, 仲有雲耳.

平日我多數食混入芝麻醬的粉皮, 而首次食混入麻辣醬.

這個醬只是微微辣, 唔食辣的朋友也食到.

食多了, 就會略略感覺條舌有少少麻.

粉皮軟硬度適中.

茴味雞翼.

上枱時熱辣辣, 我好鍾意這個帶有香草味的醬.

外皮微脆, 有點惹味, 而內裡的雞肉夠嫩滑.

食咗兩隻仲好想食, 來這裡要一試.

主角出場, 我地今次無點魚, 選了藥膳雞煲.

上枱時已聞到藥材的香味.

第一時間就是飲湯先, 由於加入雞, 所以好鮮甜, 再加上藥材的甘香, 非常好味.

有些怕聞藥材味道的朋友也可以一試,, 因為當中只有甘香, 而且近年也越來越流流食藥膳, 對身體也有益處.

一口氣飲了幾碗湯, 係時候食下雞.

雞肉也算嫩滑, 而且仲多咗一份藥材的香味.

差不多食完雞, 由於都有點飽, 我地只點了兩款配料打邊爐.

我地點了一個細的特級雪花肥牛和廣島蠔.

特級雪花肥牛色澤嫩紅, 脂肪分怖又夠平均.

入口時牛肉夠腍身, 牛味還可以.

蠔夠新鮮, 又大隻.

放入鍋時, 蠔味好勁.

我雖然係食全熟, 但入口仍然好肥美和滑身.