悠閒半天假 @ 尖沙咀Espuma

上星期難得請咗半日假休息一下, 便約了好友去尖沙咀Espuma食午飯.

由於好快就到萬聖節, 店內怖置也充滿萬聖節氣氛.

而牆上的畫也好童話.

來這裡, 當然要點這裡的招牌水果茶, 有熱和凍, 我自己鍾意飲熱.

水果茶放了幾款生果加入茶中, 入口時, 有淡淡的茶香和水果味, 兩者配合得好好, 幾好飲.

加上有茶壺有小火爐承載着, 一直保持着熱度, 若水果再濃味一點更好飲.

我地點了炸魚柳配厚切薯條.

上枱時已聞到薯條的香味.

當中有兩條大魚柳, 份量俾我想像中大碟.

魚柳外脆內嫩, 炸醬夠脆身, 所以入口時好脆.

內裡的魚柳好嫩滑, 切開後, 魚肉是一塊塊好完整, 不會散開. 不論點不點沙律醬也好味.

我自己最鍾意食厚切薯條, 較有口感, 而且薯味特別香濃.

西班牙薄餅.

這個薄餅材料有火腿, 芝士, 火箭菜. 材料簡單, 但三者互相配合.

火箭菜不是個個人鍾意食, 我自己就鍾意佢的香味, 而餅底幾薄, 也算脆身.

最後就是甜品. 這裡的甜品好吸引, 但最有興趣是Moffles.

我地點了日式香芋麻糬窩夫配NEW Zealand Natural雪糕. 雪糕味選了夏威夷果仁.

上枱時, 已俾佢的賣相所吸引, 構圖有心思, 賣相又精緻, 咁靚都唔捨得食.

Moffles的口感和平日食的窩夫口感完全不同, 入口是煙煙韌韌, 因為這是由麻糬和窩夫而成, 我自己就好鍾意這個質感.

咁就食Moffles會較為淡口, 可以加入紅豆蓉, 奶皇蓉和香芋醬. 這裡食的時候口感豐富得多.

當然香滑的雪糕也好吸引.

總括來講, 這裡環境舒服, 一邊食飯, 一邊傾計, 悠閒半天假.