泰式Brunch @ 泰園

平日放假, 間中也會去食brunch, 早前朋友帶我去泰園食泰式 Brunch, 這是我首次食, 有點估不到, 感覺幾特別.

在店門口已擺放了這個brunch的牌.

頭盤是任食, 每次落單可選三款. 我地點了泰式柚子蝦沙律, 泰式炸蝦丸皮蛋, 蒜蓉牛油雞翼.

刺身是生蠔, 生蝦, 三文魚和帶子, 由於我不食刺身, 友人又食不晒兩份, 所以只要一份.

友人話刺身夠新鮮, 當中生蝦最好味.

泰式柚子蝦沙律.

柚子肉是一舊舊, 不是一條條, 所以更有口感, 而且夠甜, 加上微酸, 非常醒胃. 這個好適合頭盤食.

泰式炸蝦丸皮蛋.

這個配搭幾特別, 這是我首次這樣食. 蝦丸夠彈牙, 又夠熱辣辣, 而內裡的皮蛋口感適中, 不會太硬, 估不到這個配搭好夾.

蒜蓉牛油雞翼.

相對之前那兩款, 這個雞翼就普通一點. 雞翼味道適中, 若外皮再香脆一點會更好味.

湯是冬蔭功海鮮湯.

我地也不能食太辣, 所以落單時說明只要小辣.

上枱時, 已聞到淡淡的冬蔭功香味, 份量也好大碗, 足夠兩人飲用.

內裡材料也好豐富, 有蝦, 青口, 魷魚和雜菌.

這個辣度, 我能夠接受, 味道調教得不錯, 飲完一碗後, 令人想再飲多一碗.

而湯中的材料也夠新鮮, 又吸收晒湯的精華.

主菜點了泰式咖喱蝦配薄餅4片, 我地要小辣.

這個咖喱帶少許甜, 啱我口味.

內裡有兩隻大蝦, 蝦肉尚算彈牙, 薄餅幾香脆, 不用點咖喱汁, 單食也可以.

一口氣食了多款濃味食物, 點了泰式雜丸清湯河中和一下.

估不到份量好大碗, 河粉幾滑身, 而雜丸就正常.

完全估不到每一樣的份量也是咁多, 所以頭盤只點了一次就沒有再叫, 因為要留肚食甜品.

甜品拼盤包括芒果黑白糯米飯, 千層糕和榴橽綿綿冰.

芒果黑白糯米飯.

粫米夠煙韌, 當中白粫米帶點椰汁味道, 而黑粫米混入些粗米, 較有口感.芒果就微甜.

榴槤綿綿冰.

上枱時已聞到幾勁的榴槤味. 綿綿冰幾細滑, 唔會好似食冰咁無乜味, 當中也放了少許的榴槤肉.

千層糕夠煙煙韌韌, 有口感.

餐飲點了熱檸檬水幫助消化.

這一餐真係非常豐富, 多謝友人的好介紹.