味覺大挑戰 - 松坂庫芥末鹽3.6北海道牛乳雪糕

上星期六約友人去尖沙咀行街, 由於早咗到, 便去松坂庫睇下有無零食買番公司做存貨.

一入到店內, 見到有雪糕賣, 即時被吸引住.

這裡的雪糕是以星期一至日去分, 一共有七款口味.

每款口味都各有特式, 最後我選了芥末鹽3.6北海道牛乳雪糕.

店員先按出牛乳軟雪糕, 接着就在雪糕面灑上芥末鹽粉末.

跟着, 再在另一個黑色的兜內放入乾冰, 注入水後, 便會產生煙霧彌漫的效果.

這是影相的最佳時機.

影完相後, 就到試味的時候.

第一啖入口時感覺好刺激, 好似食芥末豆的感覺, 辣味一湧而上.

繼續食落去就會感到有點帶咸, 就是海鹽味道.

最後當然食到香滑的牛乳雪糕, 好重的牛乳味.

一杯雪糕, 感受三種味覺.

而在枱上放了一樽海鹽, 這是俾客人自行加入雪糕中, 大家可以因應個人口味而落, 我自己就無再加.