蠔豉肉丸粥 @ 好旺角

上星期去完信和買唱片後, 突然想去好旺角食粥, 就去了花園街店食小小野.

來到這裡, 不論撈麵或是粥, 我都好鍾意食, 真的好難選擇.

由於前一排食了太多炸嘢, 所以想食粥清下腸胃.

我點了蠔豉肉丸粥.

這裡的粥底和平日的粥店有所不同, 粥是煲到好棉, 完全不是水稀稀, 仲帶點米香味.

加上粥混入了蠔豉粒, 所以多一份蠔豉香味.

蠔豉軟硬度適中, 入口甘香.

而這裡的肉丸是自家制, 較真材實料, 幾有口感.

好旺角已開業多年, 我食嘢期闁, 見到不少遊客幫襯.