悠閒下午茶 @ Little Vegas

早前星期日下午約了友人去位於銅鑼灣Little Vegas食飯.

我地點了焗波特菇, 菠菜芝士意式雲吞和炸海鮮薄餅.

首先, 上枱是焗波特菇.

個菇不但大個, 而且仲好厚身.

菇面放滿磨菇粒和芝士, 非常之香. 這個菇的菇味相當濃郁. 焗的時間也控制得好, 食的時候不會覺得乾, 軟棉棉, 口感不錯.



接着是菠菜芝士意式雲吞.

這個同樣是素食.

這個雲吞的饀滿滿是菠菜混入芝士, 兩者好夾, 非常好食, 皮的厚度適中, 加上個汁幾creamy, 仲有磨菇在醬汁度, 我自己就好鍾意這樣多重口感.

最後, 點了炸海鮮薄餅.

上枱已經香味撲鼻.

薄餅上放滿炸海鮮. 包括蝦和魷魚.

我是首次這樣食薄餅.

薄餅餅底幾薄, 帶點脆.

薄餅除了有芝士, 還有蟹柳和洋蒽, 幾惹味.

而吉列炸蝦和魷魚, 外皮幾脆, 蝦和魷魚幾鮮味, 蝦肉尚算彈牙, 魷魚不會太硬.

這三款食品也不錯, 當中最鍾意食菠菜芝士意式雲吞.