初嘗泰斗

忙完一個星期, 終於到了放假日, 便好好俾自己relex下, 做完facial 後, 便去咗泰斗食晚飯.

今次坐係戶外食飯, 感覺都不錯.

前菜點了燒牛肉沙律.

這個沙律的汁真是幾辣, 尤其對於不太食得的我來講更甚, 但這個醬汁好惹味, 與燒牛肉好夾.

牛肉又夠腍身, 加上夠辣, 餐前食真是好開胃, 而蔬菜和車厘茄夠新鮮, 所以明知咁辣, 我也破例食了幾塊牛肉和蔬菜.

另一款小食是泰式春卷.

這個上枱已聞到香噴噴. 一炸好便上枱, 所以熱辣辣, 春卷皮厚薄適中, 又夠脆身, 內裡的餡有豬肉, 菜等, 幾爽口.

主菜點了鹽燒則魚.

食了兩個較濃味的款式, 這個魚感覺截然不同.

則魚魚肚放滿香草, 這樣可以除去魚腥味.

則魚肉質夠滑身, 魚味幾濃郁, 魚肉中帶點香草味, 愛魚的朋友要一試~

最後, 點了泰式椰青海鮮焗飯.

這個焗飯份量也幾大. 配料有肉鬆和腰果.

內裡海鮮有魷魚圈, 蠔, 蝦, 尚算豐富.

飯的軟硬度適中, 口感不俗, 而且飯裡充滿了椰青的清香. 味道又不會太咸.