令人回味的一餐 - The Captain’s House

尖沙咀一向是我想去揾食的地區之一, 食市林立, 選擇眾多, 早前就去了位於厚福街The Captain’s House食晚飯.

先點了小食蟹肉釀磨菇和歐胡島式蒜香蜜糖炸田雞腿.

歐胡島式蒜香蜜糖炸田雞腿上枱時完全估不到這是田雞, 也沒有想到會這樣煮法, 所以好驚喜.

外層炸到好鬆脆, 而且有蜜糖和蒜片, 甜甜地, 份外惹味. 而內裡的田雞腿唔會太乾身, 幾多肉, 非常好味道.

蟹肉釀磨菇每一件也是細細件, 磨菇不會收到乾晒, 磨菇上再釀了蟹肉, 幾鮮味, 外表沾滿了芝士, 這款芝士唔會太濃味, 可以整件放入口中, 多重口感.

每張枱上也有一個桶, 內裡放了圍裙, 濕紙巾, 食海鮮時做的工具.

圍裙仲有佢地公司的LOGO.這樣就不怕整到件衫.

來到這裡當然要點海鮮拼盤, 可以選擇凍拼盤或熱拼盤., 我地點了熱船長海鮮拼盤. 可以因應自己喜歡而選擇海鮮種類和口味. 海鮮種類可以選擇3款, 5款或8款.

點了長腳蟹腳, 蜆和蝦, 配上檸檬牛油汁.

最特別是以袋上枱, 打開時香噴噴.

長腳蟹腳, 蜆和蝦配上檸檬牛油汁, 好夾.

長腳蟹腳本身的味道偏向咸, 但我自己愛食濃味, 所以幾啱我口味. 蜆好鮮甜, 蝦肉質尚算彈牙.

內裡除了海鮮外, 仲有香腸, 薯仔和粟米作為配料.

對於我來講, 配料也好食, 所以同樣不會放過.

由於拼盤內有汁配包最夾, 我地點了露絲瑪莉香草包.

每一粒的包六面的表面也好香脆, 而且帶有濃濃的香草味, 沾滿了汁, 吸收晒汁的精華.

另外, 點了鹽焗原條海鱸魚.

上枱後, 由侍應代為整開, 而聞到淡淡的香味.

好容易便能起出魚肉. 魚焗的時間剛剛好, 魚肉好滑身, 味道適中, 不會過咸.

在肚內放了檸檬和香料, 所以減去了魚腥味.

飲品點了Asian Branch, 有薄荷葉, ginger ale, 仲有荔枝肉. 因為有薄荷葉, 感覺清新, 而荔枝肉好甜.

最後點了甜品Pear & Raisin Crumble .

這個金寶, 外層是脆, 內裡是選用新鮮的桃, 味道不錯.