星期五好開心出席「Lady Qooza x Miss Paris The Beauty School﹒《分享愛美的心》」的化妝班, 舉行地點是Miss Paris The Beauty School位於佐敦的分店.
認識Miss Paris 是因為佢地的代言人木村拓哉和藤原紀香, 但也只留意到佢地的療程, 原來佢地也有化妝學校, 不但提供一些專業化妝課程, 也有一些基本化妝課程.
今日就由Fanny導師同大家示範日系化妝. 原來日系化妝有幾個重點, 包括眼大, 3D立體輪廓和眉毛的顏色.
首先, 導師先同MODEL進行簡單的護膚, 因為要有好的皮膚, 才能易上妝, 妝容都靚D~
之後, 就開始搽底霜和粉底, 因應唔同人的膚色而決定用那個色的粉底. 導師話市面上未必能搵到一款同自己膚色完全吻合, 所以屋企最好有一支淺色, 一支自然色和一支深色用來溝色.
為了營造3D立體輪廓, 可以用深色一點的碎粉用掃在面頰旁和腮骨位置打陰影.
接着, 就是化眼妝. 今次用了啡色眼影, 而眼線筆用啡色, 若想效果更加誇張, 可以用黑色眼線筆.
Fanny話想睫毛更明顯, 係搽睫毛液時不但只搽睫毛下面, 連上面也搽一層, 這樣就能營造更豐密的效果.
最後貼上假眼睫毛, 眼睛即時大咗好多~
'
Fanny最厲害是在下眼睫毛畫上假眼睫毛, 唔講都唔知係畫, 同貼上去的假眼睫毛好襯呀~
最後, 搽上胭脂和唇膏, 整個妝就完成啦~
想了解更多佢地的課程和療程, 可以登入以下網址
沒有留言:
發佈留言