重量級晚餐 @ Neighbor

由於二月尾會轉新工, 將會在九龍返工, 較少係港島區食飯. 早前趁還在港島區工作, 放工後便去了銅鑼灣的The Neighbor食飯.

晚餐包括凱撒沙律, 餐湯, 主菜, 乳酪雪糕和飲品, 價錢由$168 - $248.

主菜我選了德國燒豬仔骨, 而飲品選了熱薄荷朱古力.

另外加了一個小食, 選了意大利雲吞.

店員先奉上熱薄荷朱古力.

朱古力面有一個可愛的拉花圖案.

朱古力味道尚算香濃, 質感也幼滑, 唯獨是薄荷味道不太突出.

凱撒沙律.

蔬菜夠爽脆, 我特別鍾意佢的醬汁, 帶點酸酸地, 好開胃.

是日餐湯是黑松露蘑菇湯.

湯的杰度適中, 入口有淡淡的黑松露味道.

意大利雲吞.

每一粒都幾精緻, 味道調教不錯.

尤其是忌廉俾我感覺不會太膩, 入口有淡淡的忌廉味道.

主菜上枱.

德國燒豬仔骨.

賣相幾吸引, 估不到份量咁大.

豬仔骨的肉質尚算嫩口, 不會太乾.

本身我鍾意食粗薯條, 所以這裡薯條粗幼度啱我口味.

外層帶脆身, 內裡夠軟, 外層內軟.

配料還有蔬菜, 可以起中和作用.

一邊食一邊發現這裡份量比一般餐廳大, 連乳酪雪糕也一樣.

雪糕球比平日食開多一半有多.

乳酪雪糕相對雪糕較清新, 入口帶酸, 可以幫助消化.

這裡食物質素不但不錯, 份量又大, 而且價錢又合理, 係銅鑼灣區真是不常見.

抵食浜燒海鮮套餐 @ 秋田浜燒食堂

愛食海鮮的我, 早前在友人介紹下, 去了位於諾士佛臺的秋田浜燒食堂食晚飯, 近排工作非常忙碌, 要食好一點獎勵下自己.

這裡除了單點外, 仲有款套餐選擇, 分別為$398一位的北海漁港和$538一位的札幌漁港, 我地選了前者.

係新張期內, 只要在面書給like及share餐廳資料, 便可以玩一手捉蝦的遊戲.

燒熟的蝦肉算彈牙. 而且也幾大隻.

友人愛食刺身, 點了一份.

賣相幾精緻.

友人話當中最好味是生蠔.

接着, 店員先奉上華美燻雞刺身沙律.

即時同我一樣唔食刺身的朋友也不怕, 可以叫店員燒熟雞肉.

燒熟的雞肉同樣好味, 帶點咸, 與蔬菜一齊食最啱.

清酒昆布大蜆煮.

蜆肉食幾嫩滑, 入口無沙, 夠乾淨.

而試了幾湯, 酒味唔算太勁, 但當中竟然有牛油香味.

浜燒全程由店員代為燒, 可以慢慢食完一樣再一樣.

北海道帆立貝.

我自己最愛食帆立貝, 而且仲好大隻.

燒到部份熟後, 店員會拎去處理乾淨, 除去不能食的部份.

再回來燒, 並剪成一小塊, 方便進食.

肉質夠彈牙, 又鮮美.

大阪爆汁辛辣腸.

一咬開香腸, 內裡的肉汁會爆出, 加上微辣, 好醒胃.

兵庫縣活播磨牡蠣.

我唔會生蠔, 燒蠔整法好適合我.

時間控制剛剛好, 剛好熟晒.

青森殘酷網鮑.

鮑魚好新鮮, 放在網上, 還在動.

肉質夠彈牙, 帶點咬口, 幾有口感.

人氣蟹味噌甲羅燒.

餅上放了滿滿的蟹膏, 幾濃味, 又夠滿足感.

山之惠黑松露茸野菌鋁箔燒.

一口氣食了多款海鮮, 這個野菌可以中和一下.

九州松葉蟹半隻.

相對下, 松葉蟹就一般, 肉唔夠多.

京都茶漬飯(鮭魚).

飯中混入綠茶, , 再混入芥末.

入口時感覺幾清新, 又充滿刺激性.

若茶能夠熱一些更好味.

鯛汁野菜烏冬.

湯底幾鮮甜, 烏冬也彈牙, 可惜唔夠熱, 這樣就差了一點點.

生果為蜜瓜.

已經切好, 蜜瓜幾甜口, 為整餐飯劃上完整句號.

清湯切腩粗麵 @ 安利魚蛋粉麵

難得去筲箕灣，當然要去東大街的安利魚蛋粉麵食野，這裡有新舊兩間店，我地去了舊店.

我點了清湯切腩粗麵.

第一時間先嚐一下個湯.

湯幾鮮味, 飲完也不覺得口渴.

牛腩夠腍身, 味道調教適中.

我鍾意食肉質偏瘦, 這個啱我口味, 入口又唔會覺得乾身和硬.

其實這裡除了清湯腩外, 還有其他牛腩選擇, 客人可以因應自己喜好而去選擇.

下次再來可以一試其他口味.

另外, 再點了一碗淨魚蛋.

當中有魚蛋和魚片兩款.

估不到份量都幾多.

魚肉的質地幾彈牙, 入口時魚味也算濃, 所以較為好食.

全日早餐 @ Shine

放假與友人聚聚傾計, 除了是自助餐, High Tea外, Brunch也是不錯選擇. 早前便去了位於尖沙咀Shine.

店內怖置以簡約為主.

也有高枱給客人選擇.

Brunch 款式有五款選擇, 價錢由$88 - $148, 可惜只有單點, 飲品要另外點.

主菜我選了全日早餐, 飲品點了熱水果茶.

店員先奉上熱水果茶.

水果茶甜度適中, 入口有淡淡的水果味道, 可以滋潤一下喉嚨, 好適合依加的天氣飲用.

全日早餐上枱.

份量幾大, 而且食材相當豐富.

當中包括滑蛋, 麵包, 香腸, 蔬菜, 火腿, 煙肉, 煙三文魚, 茄汁豆.

蛋夠滑身, 不論單食或配麵包也可以.

香腸, 火腿和煙肉三款不可以缺少, 當中最愛食香腸.

入口不會太過油膩, 味道調教不錯.

由於我不食生嘢, 特別要求將煙三文魚整熟.

三文魚仍然算嫩滑.

一口氣食了多款肉, 當然要食蔬菜中和一下.

蔬菜夠新鮮, 又爽脆.

女仔還是愛食甜品, 所以我地也點了吉士果撻.

賣相好精緻.

完全估不到有咁多不同的生果作為配搭.

多食生果不但健康, 又能幫助消化.

吉士甜度適中, 若撻的外層再脆一點會更好味.