全日早餐 @ Shine

放假與友人聚聚傾計, 除了是自助餐, High Tea外, Brunch也是不錯選擇. 早前便去了位於尖沙咀Shine.

店內怖置以簡約為主.

也有高枱給客人選擇.

Brunch 款式有五款選擇, 價錢由$88 - $148, 可惜只有單點, 飲品要另外點.

主菜我選了全日早餐, 飲品點了熱水果茶.

店員先奉上熱水果茶.

水果茶甜度適中, 入口有淡淡的水果味道, 可以滋潤一下喉嚨, 好適合依加的天氣飲用.

全日早餐上枱.

份量幾大, 而且食材相當豐富.

當中包括滑蛋, 麵包, 香腸, 蔬菜, 火腿, 煙肉, 煙三文魚, 茄汁豆.

蛋夠滑身, 不論單食或配麵包也可以.

香腸, 火腿和煙肉三款不可以缺少, 當中最愛食香腸.

入口不會太過油膩, 味道調教不錯.

由於我不食生嘢, 特別要求將煙三文魚整熟.

三文魚仍然算嫩滑.

一口氣食了多款肉, 當然要食蔬菜中和一下.

蔬菜夠新鮮, 又爽脆.

女仔還是愛食甜品, 所以我地也點了吉士果撻.

賣相好精緻.

完全估不到有咁多不同的生果作為配搭.

多食生果不但健康, 又能幫助消化.

吉士甜度適中, 若撻的外層再脆一點會更好味.

全日早餐 + Pancake = 滿足 - 甜牙牙

鍾意食甜品的我又出動啦~ 早前約咗朋友去尖沙咀行街. 行街前, 先食少少嘢. 今次我地去咗甜牙牙.

甜牙牙有別於一般的甜品店. 除了甜品外, 仲有全日早餐, 麵餐, 下午茶餐供應.

 

由於我未食嘢, 我就揀咗個『下雨天』全日早餐來食, 好襯近期的天氣.

當中最吸引我是煎蛋竹炭多士. 平日真係好少可食竹炭多士, 這個我覺得幾特別, 仲有其他配料包括茄汁豆菠蘿和兩款香腸.

這個餐都算幾好食, 只是竹炭多士略為燶咗少少, 有部份多士有少許燒焦的味道, 個太陽賣相也差一點, 隻太陽蛋不是全在多士中心, 而是流了出來.

個餐配有每日特飲一杯, 今日是青檸薏米水. 對於鍾意食濃味的我, 這個稍為淡味, 我只飲到青檸味.

 

之後, 同朋友一齊食一個甜品. 佢地有各式各樣的甜品, 真係眼光撩亂.

由於朋友不是特別愛食甜品. 所以就點了香橘配Valrohna朱古力碎 Pancake.

 

點解我地會點Pancake呢~ 因為這裡的Pancake是用日本低筋麵粉配合有機蜜糖做成, 而且是即叫即整, 所以要一試.

Pancake好鬆軟, 厚度唔會太薄. Pancake面上有橙和cream. 這個cream真係好香好滑.

而切開Pancake, 內裡也有不少橙肉, 也流出奶油. 奶油唔會過甜, 加上橙肉酸酸甜甜, 唔會太膩, 啱晒依加食, 連朋友也覺得唔錯, 最愛佢即叫即整, 夠新鮮, 若蛋味再濃一點更好.