輕鬆下午 @ Tram View Cafe

較早前忙於搬公司事宜，返足6日，趁星期日終於可以偷得半日閒，與A先生去了山頂的Tram View Cafe嘆番個下午茶.

這裡的款式選擇唔太多,  我地選了All Day Breakfast, 不同地方在於A先生配咗蕃茄通粉.

All Day Breakfast算幾豐富.

當中我自己最愛牛角包, 質感夠鬆化.

魚柳內脆內嫩.

唯獨炒蛋唔夠滑身.

而A 先生話蕃茄通粉個湯夠濃身, 蕃茄味道夠, 這個最好味.

難得黎到, 當然要點番杯咖啡歎下.

我就簡單點了玫瑰咖啡.

而A先生選了虹吸咖啡 – 埃塞俄比亞G1西達摩.

我自己也是首次接觸虹吸咖啡.

A先生話易入口.

就這樣在這店內輕鬆過了一個下午.

現場報導 - 「BERNARDAUD X 福茗堂—法國瓷器與中國紅茶的華麗邂逅」活動

早前好開心出席了「BERNARDAUD X 福茗堂—法國瓷器與中國紅茶的華麗邂逅」賞杯品茶雅敘.

特別選用如藝術品般典雅精緻的 BERNARDAUD 法國里舞斯瓷器茶具， 品嚐福茗堂的頂級中國矜貴紅茶，以嶄新方式享受法式下午茶的時光。

不同的茶配以唔同的茶具.

瓷器仲好靚.

另外, BERNARDAUD 與福茗堂邀請了資深調酒師沖泡多款中國紅 茶，或加入黑糖、牛奶、玫瑰、檸檬等調配，再就著不同紅茶的特色和滋味，搭配設計風格獨特的 BERNARDAUD 優質茶具.

我也試了當中的武夷正山小種.

武夷金駿眉.

各有特別. 而且單飲茶與配上甜點一齊飲.

味覺上也有所不同.

經過這次的活動, 本身對茶無乜認識的我, 有了初步了解.

謝謝邀請.

橙子茉莉綠茶和檸檬西瓜茉莉綠 @ Flamingo Bloom

近排天氣又熱又焗，最啱飲番一杯解喝飲品, 今次我就去了位於中環的Flamingo Bloom.

先來一杯熱的橙子茉莉綠茶.

一帶開蓋, 見到裡面的橙片份量也不少.

味道清新, 入口不但有橙的味道, 而且有淡淡的茉莉茶味道.

我幾鍾意個茶底, 茶底不錯, 甜度適中, 飲完後, 令喉嚨得到滋潤, 感覺舒服.

飲完熱飲, 就與友人一齊試了時令限定 - 檸檬西瓜茉莉綠.

原個西瓜上枱, 賣相已經相當吸引和精緻, 我相信女士見到一定好開心.

西瓜沙冰與茶相當夾, 每飲一啖也相當透心涼.

不論熱飲或是凍飲也可以一試.

奶蓋蜜桃茉莉綠茶 @ Flamingo Bloom

平日我也鍾意飲下咖啡, 台式飲品, 早前經過尖沙咀金馬倫道, 見到店門口有一隻好搶眼的紅鶴,  店名叫 Flamingo Bloom.

原來這店主打手工花茶, 同平日常飲的珍珠奶茶有所不同.

這裡茶底有四款, 包括油切烏龍, 胎菊普洱, 茉莉毛尖和四川蠂蘭.

最後我選了奶蓋蜜桃茉莉綠茶.

想要可愛的紅鸛水泡, 只需要買飲品加錢便可以得到.

我鍾意這個杯的設計, 為了方便客人飲奶蓋, 在杯的另一邊有一個位專飲, 非常方便.

奶幾香濃幼滑, 非常好味.

入口有淡淡的茉莉香味, 與蜜桃配搭幾夾, 感覺清新.

鍾意食珍珠的我, 額外加入珍珠.

口感和平日食的有點不同, 幾煙韌, 同帶點甜甜地味道.

另外, 這裡有雞蛋仔雪糕.

我也點了一個試下.

可以選單球或雙球.

雪糕點了朱古力和抹茶口味, 我自己特別愛朱古力口味.

而雞蛋仔再脆身一點更好味, 與雪糕一冷一熱, 雙重口感.