串燒之夜 @ 串串燒by Sesaon

平時去食串燒, 總會就住食, 因為每串最少也要十幾蚊起, 但早前友人發現旺角有一間好抵的串燒食店叫串串燒by Sesaon, 所以就去試下.

這裡有部份串燒只需要9蚊一串, 真係好抵, 食多幾串也可以.

而且可以選擇辣定唔辣, 我地唔食得辣, 所以選了鹽燒.

我地點了好幾款9蚊的串燒, 包括多春魚, 午餐肉, 牛根丸和秋葵.

當中特別鍾意食多春魚和秋葵.

另外, 也點了蒜蓉大元貝和椒絲蒜蓉雜菌.

上枱時已香味撲鼻.

見到旁邊的客人點了日式酥炸廣島蠔, 覺得好吸收, 所以我地又點一客.

外層幾鬆脆, 內裡的廣島蠔夠嫩滑多汁, 外脆內嫩.

鍾意食蒜蓉的我地, 見到有咁多蒜蓉, 真係特別開心.

椒絲蒜蓉雜菌俾我想像中大碟.

一口氣食了多款肉, 食這個雜菌中和一下.

這一餐食得好飽.

串燒 @ 串燒食堂

早前發現公司附近開了一間新的串燒店, 叫串燒食堂, 我當然要去試下.

愛食牛的我, 第一時間點了兩款牛, 包括我最愛的厚切牛舌心和汁燒牛肋骨.

厚切牛舌心.

無我想像中咁厚切, 但入口幾彈牙, 帶少許爽身, 而且調味較濃, 啱晒我口味.

汁燒牛肋骨.

估唔到肉質幾嫩滑,完全不覺得乾和硬身, 仲幾惹味.

京蒽雞脾肉串.

以前唔多食蒽的我, 試過京蒽後就鍾意食, 與雞肉幾夾, 入口有淡淡的蒽的香味.

香燒明太子雞翼.

雞翼外層幾香脆, 而內裡釀滿了明太子, 微微辣身, 幾醒胃, 唔食得辣的我也完全無問題.

一口氣食了幾款肉類, 要點蔬菜中和一下.

車打芝士翠肉瓜,

翠肉瓜配芝士, 我也是首次這樣食, 估不到出來效果也不錯, 兩者也算夾.

脆炸軟殼蟹沙律.

份量相當大, 足夠兩個人食用.

蔬菜夠新鮮爽脆, 而軟殼蟹好大隻, 炸出來後, 唔會太乾, 夠鬆化, 非常好味, 配上沙律一齊食, 可以減少油膩感覺.

最後, 點了一串海鮮, 就是蒜蓉大虎蝦.

蒜蓉份量也不少, 蝦肉幾容易整起, 肉質幾彈牙, 調味適中.

估不到公司附近開了這間食串燒的食店, 可以介紹俾愛食串燒的朋友.