再一次到博洛尼亞食晚飯

幾個月前已經去過海港城的博洛尼亞食晚飯, 覺得幾好食, 今次決定去沙田的分店試下.

先睇下set dinner, 包餐湯和81層香烤多士, 這裡的多士是必食. 套餐加$15便可以在右邊9款蛋糕中揀一款, 啱晒我.

另外, 可以揀飯, 意粉或薯條, 汁就是照燒汁或洋蔥汁.

有一個朋友就點咗黑椒牛沙律.

朋友揀咗紐西蘭肉眼扒併大虎蝦配飯併照燒汁.

塊肉眼扒幾大件, 肉質尚算可以. 大虎蝦也不欺場, 幾大隻, 肉質都彈牙.

而我揀咗香草豬肉眼併石斑柳配薯條併洋蔥汁.

 

先來雜菜湯和多士. 來到這裡, 多士必食, 好鬆化和香脆, 搽埋牛油配搭一流.

香草豬肉眼本身已經入味, 唔點汁也好食. 肉質嫩滑又唔會過硬. 至於石斑柳肉質鮮嫩, 整的時間剛剛好, 唔會鞋身. 至於薯條是我愛食粗身, 炸起無幾耐, 當然好味啦~

食完主菜, 當然到甜品時間.

朋友點了三層棒子朱古力, 而我點軟酒心純朱古力.

這兩款蛋糕的賣相好精緻, 見到已經好吸引.

三層榛子朱古力外層是濃濃朱古力, 內裡有榛子, 但唔會過甜.

軟酒心純朱古力外層是好濃郁的軟朱古力, 內裡慕士好滑, 而且以慕士為主, 這是我最愛. 蛋糕頂的朱古力薄脆也好好味.

餐茶叫了熱咖啡, 不過這裡的咖啡只是一般. 



過了一個愉快晚上.

有多一個食飯好去處 - Bologne 博洛尼亞

早前, 首次去咗尖沙咀Bologne 餐廳食晚飯.

 

除了全日供應早餐外, 仲有五款Dinner Set選擇~

 

我自己愛食漢堡扒, 所以見到Dinner Set有, 當然要睇下好唔好食~ 可以配丹麥包或白飯, 知道佢地的丹麥包出名, 今次有機會一試~

朋友選咗有機野菌露筍忌廉意粉, 另加$45可以在以下A-D選擇兩款~

 

朋友選咗湯和雪糕.

餐湯我揀咗周打蜆湯, 湯夠濃和杰身, 我最怕湯是稀到無乜味, 好似飲水咁.

個沙律加上柚子醬, 食落幾醒胃.

 

主菜出場啦~

一見到個賣相已經幾吸引~

 

用蕃茄盛載沙律, 好靚呀~

 

漢堡扒肉質幾嫩, 唔會好乾身, 同d汁都幾夾.

而漢堡扒下有一大片洋葱和蘆筍, 吸收晒汁的精華, 連平日唔多食洋葱的我, 今次都食晒. 唯一美中不足的地方是個主菜唔夠熱.

 

個丹麥包好鬆軟, 口感一流~ 因為這個丹麥包是由麵團交織成81層而成. 大家必定要一試呢~

 

朋友的有機野菌露筍忌廉意粉, 味道也不錯呢, D汁也適中, 最正是有一個奇異果, 夠晒健康.

 

朋友杯朱古力雪糕幾精緻~

 

而我就要了一杯熱咖啡, 但只是一般~

值得一提是當晚的服務唔錯, 當中仲有些是日本人~