到迪士尼玩一轉~

上個月難得有一個星期日天氣較好, 就去咗迪士尼公園一趟.

記得上年來的時候, 非常多人, 好多遊戲也是大排長龍, 以致有幾個遊戲想玩卻未能玩到. 今次行程先玩上次未玩的遊戲. 幸運地, 唔算太多人排隊.

首先, 去明日世界玩『巴斯光年星際歷險』. 

得分比上一次進步咗, 今次是Level 4.

接着, 順便在火箭餐廳食個lunch, 然後再玩過.

來到迪士尼, 必定要睇『迪士尼飛天巡遊』. 雖然睇了好幾次, 但仍然覺得好睇, 現場氣氛極好, 尤其是小朋友就最開心.

係我對面特別坐咗一排穿著公主服打扮的小朋友, 原來佢地可以同巡遊隊中的公主和王子圍圈玩.

睇完巡遊, 去幻想心世界玩『小熊維尼歷險之旅』. 這個遊戲任何時候都係最多人排隊之一. 小熊維尼幾個真係好可愛, 也是我最喜愛的卡通人物之一.

玩完後, 當然要同維尼影番張合照才完滿.

跟住, 就去咗反斗奇兵大本營.

先玩『玩具兵團跳降傘』. 對於不玩機動遊戲的我, 未玩時真係有點驚, 但我見小朋友和老人家都玩, 應該無問題.

這個離心力都有點大, 不過俾我想像中無咁驚, 安全着陸.

再去玩『轉轉彈弓狗』.

最後, 就去了迷離莊園玩『迷離大宅』.

迪士尼之旅就這樣完結~

相約好友, 反轉迪士尼一日遊

近年迪士尼不斷擴建, 繼「反斗奇兵大本營」和「灰熊山谷」後, 今年又開了全新主題園區「迷離莊園」, 係時候約埋好友齊齊玩番一日.

相約好友在八月中一個星期六入場, 之前連日來滂沱大雨, 幸好當日陽光普照.



當日十一點到達迪士尼, 奇妙之旅正式開始~

首先就去咗今個夏日的限定節目 - 怪獸大學.

為咗體驗一下「怪獸」式的校園生活, 當然要四圍參觀, 影下相.

見到這些擺設, 好懷念中學的校園生活.

另外, 可以整一張專屬自己的學生證.

在門外, 仲可以同《怪獸大學》的主角影相, 我地當然唔例外, 齊齊影番張相留念.

來到迪士尼, 巡遊必定會睇. 我地霸定靚位等迪士尼飛天巡遊開始.

睇完巡遊, 到咗午飯時間. 由於我未食早餐, 所以就先食個午餐, 再去「迷離莊園」.

行去「迷離莊園」時, 經過「反斗奇兵大本營」, 影下相留念.

到達「迷離莊園」. 這是關於故事主人亨利爵士與他的助手猴子阿拔遊歷世界各國去收集罕有珍品, 收藏於其私人博物館─「迷離大宅」.

一路行一路參觀, 最後就坐

「迷離莊園電磁廂車」.

 

而係旁邊有個3D立體錯視效果的主題拍攝區「奇幻庭園」, 我地幾個又走去睇下, 但我地影出來的效果無佢的咁靚.

當日陽光猛烈, 我地經過精品店也會入去睇下嘢, 順便涼下冷氣.

見到有人即場燒玻璃, d擺設好靚呢~

 

我地幾個去咗睇「獅子王慶典」和「米奇金獎音樂劇」.

雖然之前來迪士尼已經睇過, 但今次再睇, 一樣覺得咁精彩.

不經不覺又到咗日落黃昏, 這個時候影相真係好靚, 我都影番幾張相做留念.

 

由於煙花九點先開始, 我地就去食嘢的地方坐下, 傾下計.

 

為了揾一個較有利的位置睇煙花, 我地就八點三左右就過去. 現場已經有不少人坐着等, 我地剛好揾到位置, 就坐在地上等待. 雖然是晚上, 但由於日間好好陽光, 越坐越熱, 開始出汗…

終於等到煙花開始, 這次位置夠前, 所以睇得算清楚. 隨着煙花的結束, 反轉迪士尼一日遊也完結了.