燒肉之夜 @ 橘焱胡同燒肉夜食

較早前從雜誌中得知橘焱胡同燒肉夜食係香港開業, 一直也想揾時間去試下, 早前終於有機會去食燒肉.

款式有牛, 豬, 雞和海鮮.

愛食牛肉的我, 一口氣選了幾款牛, 包括角切牛舌, 和牛翼板肉, 橫膈膜和牛五花.

再加一款豬, 就係梅花豚肩排.

每一位客人面前也有蒽粒, 洋蒽和檸檬汁, 點了這個可以減去油膩感覺.

各款燒肉逐一上枱.

角切牛舌.

和牛翼板肉.

橫膈膜.

牛五花.

梅花豚肩排.

整過燒肉過程全部由店員幫客人燒, 所以一定燒得好好.

客人坐定定便可以.

即使我食全熟, 所有的肉質也相當鬆軟和稔身, 完全唔會覺得乾身和硬.

單食肉有點齋, 我就鍾意同飯一齊食, 這樣會更好味.

不論就咁食或是點檸檬汁一齊食, 兩款食法各有各好.

而這五款肉當中, 我自己最鍾意食和牛翼板肉和梅花豚肩排.

紅炆牛肋骨 @ 高麗軒韓國料理

好友升職請客, 帶我地去了位於金巴利道的高麗軒韓國料理食晚飯.

入到店內才知道這是任點任食. 價錢由$188起. 可以另外加$38升級, 任點以下款式.

我地一場來到, 當然也加錢升級.

店員先奉上前菜, 一共有五碟, 包括泡菜, 辣青瓜, 豆角, 青菜, 大芽和菠菜. 由於我不太食得辣, 所以最愛食豆角, 青菜, 大芽和菠菜.

我地同樣愛食牛肉和海鮮 所以也以這兩樣為主.

點了烤什雜海鮮拼盤, 肉眼扒, 皇者牛排骨和特級牛頸肉.

由於我地有點肉, 所以店員也俾了生菜和醬我地, 用來包肉食.

飲食是任飲, 當中有幾款口味給客人選擇.

最後, 我選了提子味, 燒肉與冰凍的飲品是最佳拍檔.

食物陸陸續續上枱.

烤什雜海鮮拼盤包括蝦, 青口, 魚, 扇貝等, 款式也算多, 最啱想一次過試多款海鮮的朋友.

肉眼扒, 皇者牛排骨和特級牛頸肉接着上枱.

三款肉肉質幾有光澤, 而且脂肪分怖幾平均.

皇者牛排骨本身已有調味, 所以不用再點醬, 而肉質夠腍身, 牛味也算濃郁, 口味啱晒我食.

相對牛排骨, 特級牛頸肉較為有咬口, 牛頸肉平日較少食, 估不到味道也不錯.

肉眼扒較薄身, 燒的時候好快就熟, 肉質也算腍身.

另外, 試了幾款海鮮, 海鮮燒的時間相對較長, 要比較有耐性.

蝦肉尚算彈牙, 魚口感也可以, 不會覺得腥, 扇貝肉幾爽身.

除了燒肉, 我地也點了兩款熟食.

人參雞湯和紅炆牛肋骨.

紅炆牛肋骨上枱的賣相已吸引我.

當中除了牛肋骨外, 仲有紅蘿蔔和白蘿蔔.

牛肋骨炆得非常腍身, 可以話是骨肉分離, 而且仲好入味.

我鍾意佢地切的蘿蔔較為大件, 這樣不會碎開, 而且吸引晒牛肋骨的精華, 好鮮甜.

 這個紅炆牛肋骨來這裡必要點來食.

食韓國野, 我見到有人參雞湯, 也會點來一試.

份量都幾大喎, 用石鍋上枱, 保持熱度.

湯的人參味度幾足夠, 若不是齋湯, 有少許雞肉在內會更好.

這一餐好豐富, 多謝好友請客, 期望你繼續步步高升.

齊來燒一燒 @ 牛禪燒肉日本料理

上星期又去銅鑼灣覓食, 今次去了位於世貿中心的牛禪食飯.由於有朋友未到, 我地點了兩款小食先.一口芝士.

對於愛食芝士的我, 這個菜式啱晒.外皮香脆, 內裡充滿軟軟的芝士, 雙重口感, 而這款芝士不會過於濃味.

燒日本銀杏.

我就未試過食日本銀杏, 原來和我地平日食的有所不同, 這是綠色.由於加上鹽來燒, 更能突出銀杏的味道, 口感幾特別. 這正好中和了一口芝士的味道.

飲品當然不少得, 由於我唔飲清酒, 我點了雪之美人.

這是以椰奶混入菠蘿汁和冰而整成.入口時, 已充滿淡淡椰子和菠蘿的香味, 甜度適中, 適合夏天飲, 幾解渴.齊人拉~ 

我地點主菜.來這裡, 一定要試下燒肉, 我地點了近江牛肩, 近江牛小排, 九洲西冷, 白鰻和雪場蟹腳.

這碟燒肉一上枱已好吸引, 因為各款食材都好新鮮, 色澤又靚.近江牛肩和近江牛小排, 兩者牛味夠濃郁, 即使食全熟的我, 肉質夠腍身,完全不覺得硬和乾, 好味道.

九洲西冷, 脂肪分怖好平均, 入口非常軟棉棉, 又不會覺得太肥膩.

白鰻每件也好厚身, 燒完後, 魚肉幾嫩滑, 又鮮味.

而雪場蟹腳肉質彈呀, 又夠鮮美.

朋友中有人愛食辣, 所以點了麻辣青口.

我本身不太食得辣, 但這款菜式上枱時香味令人好想一試, 所以我決定食一隻.

青口幾大隻, 肉質也算可以, 加上麻辣, 的確好惹味.第一啖是辣味尚可接受, 耐咗就越來越覺得辣, 對於我來講, 食一隻便夠了.

最後, 就是甜品. 點了甘粟茨餅伴雪糕.

賣相幾精緻.甘粟茨餅外皮微脆, 內裡帶點軟棉棉, 再配上雪糕一齊食, 一冷一熱.仲配上忌廉, 十勝紅豆, 染了不同顏色的日本米成為點綴.