慢嘆法國餐 @ Les Saveurs Private Kitchen

平日工作忙碌, 節奏又急促, 總要在限時之前處理妥當, 經過一輪忙碌生活, 決定好好食一餐, 去了位於銅鑼灣的Les Saveurs Private Kitchen食飯.

來食法國菜, 當然是慢慢享受, 可以令人心身放鬆.

枱上的碟圖案有幾款, 個個有所不同.

不用多說, 法國菜一直以精緻食材為賣點. 食之前還可以欣賞師傅的擺放心思.

套餐每位$788, 另外加一.

侍應先奉上麵包籃, 內裡有牛角酥和法包.

牛角酥夠鬆化, 而法包搽上牛油特別好味.

接着, 奉上餐前小食.

L'Amuse Bouche.

材料有海膽, 櫻花蝦, 而慕絲是由椰菜花奶油造成, 幾特別.

由於我唔食海膽, 幼滑慕絲混入帶脆身的櫻花蝦, 雙重口感.

再來是前菜.

Lightly Seared Langoustine.

材料同樣用上海膽, 也加入了一些魚子醬, 配上海藻, 由於我唔食海膽, 只是淺嚐了一點點.

Fresh Smoked Salmon.

上枱時是蓋住, 稍等兩分鐘才打開, 這樣才能將煙燻滲入食材中.

三文魚面放滿了煙燻魚子醬.

而旁邊的紅色醬汁也相當特別, 這是蘋果辣根汁和紅菜頭醬.

由於我唔食生嘢, 這個菜式沒有食, 友人話帶咸的魚子醬和三文魚好夾, 三文魚又夠滑身.

終於到了我期待的餐湯.

Cream of Jerusalem Artichoke.

侍應先將放了黑毛豬薄片和炸亞枝竹的碟放上枱.

再在客人面前混入湯.

這個要整勻一齊飲, 湯中混入帶咸的黑毛豬薄片, 兩者配合得宜, 對於愛飲湯的我, 非常好飲.

65C Egg Confit.

賣相就好吸引.

一整開温泉蛋, 蛋黃流出, 時間控制得剛剛好.

蛋黃味道夠香濃.

食的時候要混合晒碗內所有材料一齊食, 多重口感.

食主菜之前, 先食一個雪芭, 清一清喉嚨.

主菜有三款選擇, 分別是雞, 牛或魚, 當中選牛要另加$88.

我就選了Sous Vide Corn Fed Chicken.

主菜上枱, 賣相精緻.

雞面放了一些牛肝菌, 而旁邊是蔬菜.

當我食第一啖雞時, 相當驚訝, 口感完全唔似雞肉, 有點似硬身的啫喱或布甸.

原來是打碎鵝肝釀入雞肉中, 所以完全不覺得硬, 無想過會是這個整法, 幾特別.

旁邊的配菜也不是錯過, 可以起中和作用.

來到甜品時間.

Green Tea Mills Feuille.

這是我愛食的拿破侖, 中間是抹茶醬.

抹茶味道相當香濃細滑, 甜度適中, 而拿破侖幾脆身, 兩者好夾.

愛食芝士的朋友, 可以加$88點選French Cheese PLATTER.

一共有六款不同的芝士.

就這樣渡過悠閒的一個晚上.

法國菜 @ Le Marron

每年生日, 我的好友也會揀一些特色食店同我慶祝, 今次便同我去位於銅鑼灣的Le Marron食晚飯.

一踏入店內, 已與外面很不同, 環境較為昏暗, 而且枱與枱之間用上薄紗分隔開, 私隱度好高,  裝飾怖置也有心思, 好適合特別日子來這裡慶祝一番.

我地先點了兩款小食Crab Meat ＆ Cream Cheese Terrine和Crisp Atlantic Cod Fish Roll with Guacamole.

小食未到, 麵包籃先上枱.

估唔到有成四五款麵包, 愛食麵包的朋友一定不要錯過.

我自己最愛食這款, 麵包好鬆軟, 還有一些杏仁片在麵包面, 內裡有一些吉士醬, 兩者好夾.

Crisp Atlantic Cod Fish Roll with Guacamole.

這個炸魚卷, 初時以為外層是炸粉, 但入口時才發覺不是, 質感好似麵包咁, 不覺得油膩.

而魚肉味道不錯, 配合魚子醬一齊食, 味道更突出.

Crab Meat ＆ Cream Cheese Terrine.

賣相精緻.

蟹肉味道幾鮮美, 再配上蕃茄粒, 感覺清新, 好適合作為小食.

湯點了我最愛的Traditional French Onion Soup.

碗面放了一層好似酥皮蓋着湯, 其實是混入了芝士的包.

掲開個包, 內裡是熱辣辣的洋蒽湯.

湯混入滿滿的洋蒽, 非常好味. 可以再包放入湯一齊食, 多重口感.

飲完湯, 奉上 Sorbet,  清一清喉嚨.

主菜點了Fresh Oyster Risotto with Spinach & Lemon Zest.

上枱時已被左邊的大蠔所吸引.

隻蠔好飽滿和肥美, 煮的時間控制剛剛好, 夠滑身, 蠔味幾濃, 完全不覺得硬和乾身.

另一邊是意大利飯, 飯裡還混入了蠔粒.

飯軟硬適中, 也不覺得太膩, 每啖飯也充滿蠔的味道, 非常好味.

甜品點了我最愛的72% Chocolate Tarts.

我自己鍾意食黑朱古力, 這個有成72%, 絶對啱晒我.

賣相好靚.

朱古力濃度夠高, 特別香濃, 但甜度適中.

而撻面放了雲呢嗱雪糕, 可以兩者混合一齊食, 又是另一番感覺.

朱古力撻皮再脆身一點更好味.

飲品點了熱的伯爵茶.

飯後飲番一杯熱茶, 消化一下, 感覺舒服.

鑊仔西班牙辣肉腸炒墨魚仔 @ A la maison XXL Seafood &Grill

自從在炮台山工作, 得知天后炮台山一帶有不少的食店, 而且選擇種類繁多, 我與在港島區工作的朋友, 也會選擇這些地區食飯. 早前便約了一排無見的舊同事去了天后的A la maison XXL Seafood &Grill食飯.

一見到個名, 就知道這是一間主打法國菜的食店.

坐下後, 我地先點飲品.

由於我唔飲酒, 所以簡單點了Fruit Punch.

以幾款不同的果汁混合一起, 味道略為偏淡, 濃味一點更好.

鑊仔西班牙辣肉腸炒墨魚仔.

上枱時已香味撲鼻.

用鑊仔上保持熱度較長時間.

而辣肉腸偏向咸, 墨魚仔本身較淡味, 兩者混合一齊, 起了中和作用.

加上醬汁, 特別惹味.

估不到墨魚仔咁好味, 完全不會覺得硬, 幾有彈口, 令人食不停口.

炭燒黑毛豬鞍扒.

賣相精緻.

這是較為厚切黑毛豬鞍扒.

肉質尚算嫩滑, 帶少許咬口, 這是我鍾意的口感.

肉味也不錯.

單食肉會好快覺得飽, 所以配菜不要錯過.

法式咖啡雪糕.

這個雪糕份量足夠兩個人食用.

材料也相當豐富, 有朱古力和咖啡雪糕, 仲放了忌廉, 朱古力條等..

咖啡味雪糕幾香濃, 配上幼滑的忌廉, 兩者最夾.