早前係奧海城行完街後, 有點口渴, 見到有間飲品店叫Say Cheese, 愛食芝士的我, 當然要睇下係飲乜.
飲品款式也有不少, 仲有甜品食添.
最後我睇中了熱手造麻糬紫薯芝士奶蓋茶 Hot Mochi and
Purple Potato Cheese Form Tea.
一杯有齊晒我鍾意的麻糬紫薯芝士三個元素, 真係啱晒貪心的我.
一打開蓋, 見到厚厚的芝士奶蓋, 即時試一啖, 夠幼滑, 仲有幾香濃的芝士味道.
另外, 仲有煙煙韌韌的麻糬和紫薯.
飲時仲食到帶有口感的麻糬和紫薯, 多重口感.
對於鍾意甜的我, 這個甜度啱晒我.
飲一杯都幾飽肚.
下次要試埋下其他款式.
