黃金芝士燒原隻龍蝦 @ 川燒

近排友人愛食串燒, 所以今次我地食飯也選了串燒的店舖. 最後選擇了位於佐敦渡船街的川燒.

店肉的座位不算多, 好快就滿座, 來食飯前, 最好先訂位.

我地點了好幾款串燒, 包括燒芝士脆脆餅, 燒牛舌, 黑松露燒豆腐温泉玉子, 燒珍寶大元貝和黃金芝士燒原隻龍蝦.

首先, 我地揀咗一款香口嘢, 就是燒芝士脆脆餅.

外層是香脆的餅, 內裡就是芝士.

我自己鍾意食半溶的芝士, 入口有淡淡的芝士香味, 配上脆餅, 雙重口感.

黑松露燒豆腐温泉玉子.

這個幾特別, 所以點來試下.

食的時候, 口中帶有黑松露的香味, 而温泉蛋是流心, 所以蛋味特別香濃.

燒牛舌.

牛舌可以說是我每次串燒也點選的食物之一. 這裡的牛舌不是厚切, 但也帶點咬口, 入口幾多汁, 不會乾身和硬.

最期待的兩款串燒終於出場.

燒珍寶大元貝.

元貝好大隻呀.

色澤夠雪白, 入口又夠彈牙和鮮甜.

食完一隻真係唔多夠喉, 但我要留肚食龍蝦.

黃金芝士燒原隻龍蝦.

上枱時不但香味撲鼻, 而且也被佢的賣相所吸引.

龍蝦都算大隻.

第一時間試下龍蝦肉, 肉質夠爽口, 又多汁, 時間控制不俗.

而且龍蝦面放了芝士, 香料等去燒, 所以單食已經夠味和好食, 仲啖啖肉.

最後, 就是甜品時間, 點了蘋果雪.

一口氣食了多款的串燒, 就點了這個涼浸浸的雪, 味道清新, 可以中和一下之前食串燒的油膩感覺.

創新款式 @ 川燒

不講不知, 原來渡船角那邊有不少食店, 早前就去了川燒食晚飯.

來到這裡, 當然是食串燒為主.

先是黃金燒大虎蝦.

虎蝦好大隻, 上枱已聞到淡淡的咸蛋黃的香味. 蝦肉夠彈牙, 加上蝦面沾了咸蛋黃, 又甘又香, 與蝦好夾.

再來燒鮮白鱔.

我本身對魚的興趣只是一般, 而魚皮更加不會食. 但這個燒鮮白鱔令我有驚喜. 魚皮非常脆, 感覺似食薯片. 而魚肉卻好滑身, 連我也覺得味道不俗.

另外, 點了一些這裡師傅創新整法的串燒.

黑松露燒腐皮温泉玉子. 賣相已經好精緻.

我自己未試過這樣食法.

侍應話要一次過將整件放入口中. 豆腐混埋温泉蛋, 估不到兩者幾夾.

燒特級牛脷芯.

愛食牛脷的我, 必點牛脷, 但我在這裡見到牛脷芯, 我自己未試過, 原來口感有點不同, 有點咬口, 但又幾腍身, 而且仲幾厚身.

燒自家制墨魚八爪魚棒.

內裡見到一粒粒的墨魚和八爪魚, 所以口感較豐富, 不會過得太粉.

食了咁多肉類, 點了川香肉碎燒茄子中和下.

茄子連皮也除去, 所以茄子夠嫩滑, 茄子本身淡味, 但加川香肉碎後, 即時變得惹味.

食了多款串燒, 怎樣也要點個飯. 我地點了鍋燒噴泉蛋醬芝心炒飯.

侍應先預備了小爐, 飯, 芝士, 蛋漿, 粟米和蒽花.

接着, 就在我地面前整.

先將蛋漿混入飯中, 再混入芝士, 粟米, 最後混入蒽花.

之後就不停搞, 再所有材料和飯混好. 這個飯已有川醬, 由於我地不食得辣, 所以要小辣. 最後, 再灑上蒽花便完成.

初時也怕辣, 但混入了芝士和蛋漿後, 已經中和了飯, 只有小許辣, 但好惹味, 粟米又夠甜, 加上飯沾滿了芝士和蛋漿, 來這裡必要試這個.

最後點了一個甜品作總結, 就是法式燒棉花糖朱古力厚多士.

最底層是多士, 中間是香蕉, 而最面是棉花糖.

棉花糖燒咗變得軟身和暖, 配上香蕉和脆脆的多士, 最面仲沾上朱古力醬, 多重口感, 甜度又適中, 非常美味.

川燒仲有不少款式, 但太飽, 而且這裡有些款式較有新意, 下次要再來一試.