台式家常晚餐 @ 屋喔

早前與友人在銅鑼灣行完街後, 便去附近的金百利商場覓食, 最後我地選了一間食台式的食店, 叫屋喔.

我點了台式家常晚餐, 當中包括三選一前菜, 六選一主菜, 魚湯時蔬和白飯, 配送$32或以下飲品一杯, 只需要$88. 也可以另加差額轉其他飲品.

前菜我選了嫲嫲醬油雞翼, 主菜選了胡椒炒牛肉, 飲品選了熱水果茶.

店員先奉上熱水果茶.

水果茶用小蠟蠋保持熱度, 即使一直飲到最後也夠熱.

內裡有好多不同的水果, 味道也夠濃郁, 非常好飲.

套餐上枱.

嫲嫲醬油雞翼.

原來這個雞翼是凍, 我自己較鍾意熱食.

雞肉尚算嫩滑, 醬汁也不錯.

胡椒炒牛肉.

牛肉夠鬆軟, 加上胡椒味道足夠, 入口已有濃濃的味道, 非常惹味, 令我食不停口.

魚湯時蔬.

味道較清, 可以中和一下胡椒牛肉的濃味.

最後, 我仲點多了一份小食, 我地點了蜜糖芥末黑椒雞槌.

上枱時已經香味撲鼻.

雞肉同樣嫩滑, 而且雞槌混入了蜜糖芥末和黑椒, 多重感受.

價錢不但大眾化, 而且食物質素也不錯, 日後係銅鑼灣食飯又多一個選擇.

台式晚飯 @ 屋喔

上星期去完旺角行街, 本來打算去朗豪坊食飯, 但人比較多, 我地又唔想等位, 去了旁邊的朗晴坊食飯. 最後, 我地選了屋喔食飯.

這是一間台式餐廳.

這裡有set dinner, 款式也有不少, 友人就點了其中一款, 就是炭烤羊肋排.

而我就單點.

這裡食台式嘢, 我當然點了台式糖芯蛋肉燥飯.

我幾鍾意用來載着肉燥飯的器皿, 幾有特色.

糖芯蛋控制的時間剛剛好, 蛋黃微微流心.

而肉燥調教的味道不俗, 混在飯一齊食, 特別開胃.

鹽酥雞起司焗玉米脆片.

估不到份量都幾多.

這個菜式加入了墨西哥菜的原素, 玉米脆片幾脆身, 口感十足, 我本身都好鍾意食, 再加上淡淡的芝士, 兩者好夾.

而鹽酥雞外層帶有脆脆地, 內裡的雞肉夠嫩滑, 外脆內嫩.

同時有三款醬汁在面, 三款醬都好味.

食台灣嘢, 當然要飲我最愛的熱珍珠奶茶.

我幾鍾意佢地的茶底, 奶味幾香濃. 而珍珠尚算煙韌, 但咬開就無乜味道.

友人點的羊架賣相精緻, 仲大讚羊架肉質夠鬆軟, 味道又適中, 而且這裡的的配菜是用上愛食的薯皮和紅蘿蔔.

最後, 甜品時間, 我點了屋喔窩夫.

上枱時已被佢的賣相所吸引.

窩夫的外型好似一隻啤酒杯, 幾特別.

旁邊仲有甜甜圈, 還有士多啤梨雪糕, 士多啤梨, 醬汁有蜜糖和忌廉.

這裡的窩夫同平日所食的窩夫不同之處是較厚身. 外層脆脆地, 內裡是軟身, 質感有點似食海綿蛋糕, 幾鬆軟, 蛋香味也算不俗.

單食就略為淡味, 可以點蜜糖或是忌廉, 我自己鍾意點忌廉多一點.

甜甜圈雖然稍為腍咗, 但食的時候發現甜甜圈混入了類似果肉, 所以多了一份口感.

士多啤梨雪糕好好味, 因為混入了士多啤梨肉, 而且雪糕好幼滑.

這個窩夫真係好豐富, 來這裡要一試呀.