自從係炮台山返工,
多了在這一帶食飯, 今次去了北角的金樂軒雞煲魚鍋食飯, 我放工行過去便可以, 非常方便.
來到這裡, 當然要一試佢地的奇味雞煲.
由於我唔食辣, 所以大家也好好咁就我點了無辣.
上枱時已聞到香噴噴.
份量都幾多, 足夠幾個人一齊食.
除了雞, 仲有配料, 如冬菇, 枝竹等…
雞肉肉質夠嫩滑,
又夠肉汁, 不會好乾身, 仲幾入味, 啱愛食濃味的我. 當然點辣的話, 應該會更惹味.
記得食埋冬菇和枝竹, 因為佢地吸收晒雞和醬料的精華, 又夠腍身.
食了較濃味的雞煲,
也要點些清熱氣的飲品.
我地選了粟米蘿白竹蔗芧根.
這是自家製.
樽內見到竹蔗芧根材料, 味道幾清淡, 飲完感覺幾潤喉和舒服,
好啱偏向熱底的我飲用.
另外, 點了手打墨魚餅.
上枱時仲熱辣辣, 應該是即叫即整.
墨魚餅夠彈牙, 有口感. 墨魚的魚味也幾濃, 這個用來送酒就一流. 雖然我不飲酒,
但當小食是不錯選擇.
附有甜酸汁, 點了後, 能夠提升墨魚餅的鮮味, 好醒胃.
辣椒炒田雞.
平日也不是太多食店有得食田雞, 而且控制時間也好重要, 過咗時間就會硬.
這個田雞算滑身, 用辣椒炒, 夠惹味, 但對於不太食得辣的我來講, 就辣了一點, 所以我都是淺嘗, 而同行食得辣的朋友,
就食得津津有味.
另一個主角出場, 就是酸菜龍躉魚鍋.
上枱已被龍躉魚鍋所吸引.
魚鍋的份量都幾大, 我第一時間就試下個魚湯, 非常鮮味,
不用再加任何調味料.
接着, 就試下龍躉魚肉, 魚肉雪白, 又夠嫩滑, 魚腥味不會太大, 即使不是好鍾意食魚的我也覺得可以一試.
這個龍躉魚鍋食完後, 就加入清湯, 用來烚牛肉.
牛肉有光澤,
脂肪分怖也平均.
食全熟的我,
肉質仍算腍身, 牛味幾濃郁, 加上鍋中還有一些魚湯精華, 所以多了一份鮮味.
