色彩繽紛的甜品 @ 粒粒果甜品

認識我的朋友也知道我鍾意食甜品, 所以我的好友一見到新的甜品店也會報料俾我知, 今次就係友人介紹下去了位於旺角的粒粒果甜品食嘢.

這裡的甜品款式不少, 好多也色彩繽紛, 不論中式或西式也有. 今次我選了紫色夢幻和龍珠星球配椰汁西米.

兩款也是被賣相吸引住.

龍珠星球配椰汁西米.

當中的啫喱有紅火龍果和提子, 其中紅火龍果較少食到, 所以我就想一試.

啫喱下面放咗不少水果, 有芒果, 西瓜, 椰果, 蜜瓜, 全部是我鍾意的水果, 好適合依加天氣食.

入口有淡淡的椰汁香味, 若再濃郁一點更好味.

紫色夢幻.

賣相相當靚.

這杯飲品以藍莓整成, 入口夠滑身.

甜度適中, 飲完唔會覺得膩, 若大杯一點更好.

每日一噴, 改善髮絲問題 - Lavacqua 頭髮火山水

除了護膚外, 頭髮護理同樣重要, 今次試了來自美國的Lavacqua 頭髮火山水.

Lavacqua 頭髮火山水

功效:

當中含純天然草本及豐富意大利火山礦物成份，可以淨化頭皮及頭髮、去除頭髮上的雜質.

刺激毛囊，促進髮絲健康生長，軟化同修護秀髮，令秀髮變得亮澤及柔順.

草本成分:

百里香、款冬花、蓍草、樺樹皮、馬尾草、蕁麻、迷迭香、薄荷、薰衣草、蜂蜜、醋

使用方法：

1.      每次洗完頭後，將Lavacqua噴勻全頭，可用手輕輕按摩加快吸收。之後好似平時咁吹頭或自然乾.

2.      每次出街整頭前，將Lavacqua輕輕噴勻全頭用梳打理，之後可輕易地隨心整頭.

樽上的白色圓點係開關按鈕.

我自己就鍾意係洗完頭後使用, 直接噴係頭髮上.

再用手按摩頭髮, 加快吸收.

之後, 就用風筒吹乾頭髮, 非常簡單和方便.

我本身的髮質係偏向油性, 所以較易出頭油, 尤其依加的天氣. 使用後, 頭髮稍為無咁易出油.

另外, 也覺得頭髮多咗光澤和順滑.

只需要一個步驟, 便能改善頭髮的問題.

產品資料由品牌提供.

想知道更多品牌的最新消息和產品資料, 可以登入以下網址:

https://www.facebook.com/LavacquaHongKong/

清燉牛肉麵 @ 五月星牛肉麵

上星期係觀塘上完堂後, 順便係附近覓食, 今次去了工廠大厦裡的五月星牛肉麵食飯.

小食點了試管鹽酥菇.

主菜點了清燉牛肉麵.

飲品點了黑糖珍珠撞奶.

試管鹽酥菇.

枱上放了六款不同的調味粉, 客人可以因應自己的喜愛混入菇中.

我選了海苔, 芝士.

我特別鍾意海苔粉.

而菇的粉漿唔算厚身, 而且放耐咗仍能保持脆身.

這個是相當重要.

黑糖珍珠撞奶.

賣相幾靚.

珍珠夠煙韌, 而且唔會太甜, 入口有淡淡的奶味, 啱晒我口味.

清燉牛肉麵.

牛展的份量比我想像中多.

而且夠大塊, 偏向厚身, 所以口感較佳.

肉質夠稔身, 完全唔覺得硬身和乾.

麵質軟硬適中.

估唔到個湯底咁香濃, 又鮮味.

原來用了大量的骨頭煲出來, 完全無精味, 飲晒所有湯都無問題.

觀塘的工厦真係有好多好味的食店.

慢煮西班牙黑毛豬鞍配鵝肝 @ 寢宮

早前忙完一個星期, 為了輕鬆一下, 便相約友人去了位於諾士佛臺的寢宮食飯.

這是一間樓上的酒吧餐廳, 適合三五知己飲嘢傾計, 或者食飯. 而且這裡仲有桌球, 飛標等設施供給客人玩.

我點了晚餐, 包括鴨胸沙律, 豌豆湯, 主菜係慢煮西班牙黑毛豬鞍配鵝肝.

另外加錢點了小食, 香草青醬雞肉芝士意式飯球.

飲品點了Mocktail - Yogee Drink.

店員先奉上Mocktail.

賣相不錯.

鴨胸沙律.

蔬菜幾新鮮爽脆.

香草青醬雞肉芝士意式飯球.

外層帶點脆口, 內裡係飯混入了雞肉和芝士, 多重口感.

豌豆湯.

入口幾幼身, 帶有香濃的豆味.

主菜慢煮西班牙黑毛豬鞍配鵝肝上枱.

賣相相當精緻.

而且份量也不少.

鵝肝時間控制適當, 熟度剛好.

而黑毛豬鞍肉質夠嫩滑, 唔會覺得硬和乾身.

配料的紫薯不要錯過, 非常好味.

這一餐係輕鬆愉快下渡過.