澳洲和牛護心肉配黑醋醬及巴馬臣芝士 @ 食意

本來我甚少去深水埗一帶食嘢, 自從有一次友人同我去食飯後, 我才發現深水埗也有不少食店可以試下, 今次就去了食意食飯.

這裡的菜式選擇也唔少, 最後選了炸粗直薯條配香辣醬和黑松露醬, 澳洲和牛護心肉配黑醋醬及巴馬臣芝士 , 手製薄餅 - 黑松露意大利軟芝士薄餅和手製意粉 - 燴海鮮蕃茄醬墨魚麵.

點完菜式後, 店員先奉上脆薄餅配蕃茄莎莎, 這個係免費送俾客人.

甜甜酸酸的蕃茄粒, 夠開胃, 作為前菜最適合不過.

炸粗直薯條配香辣醬和黑松露醬.

薯條偏向粗身, 薯味較重, 口感較佳.

炸出來的薯條唔會太油膩, 配上兩款醬汁, 啱晒愛食熱氣野的我.

澳洲和牛護心肉配黑醋醬及巴馬臣芝士.

牛護心平日真係比較少見有, 所以點來試下.

由於我唔食生嘢, 所以特別要求全熟.

雖然係全熟, 但肉質還稔身, 完全不覺得硬和乾身.

手製意粉 - 燴海鮮蕃茄醬墨魚麵.

這個墨魚麵和平日食有所不同, 食的時候, 咀和牙齒也不會有黑色, 真係食得放心.

手製的意粉, 較彈牙, 口感也有所不同.

唯獨係唔覺有咩海鮮, 較多蜆肉, 而且係切為一粒粒, 吸引度下降.

手製薄餅 - 黑松露意大利軟芝士薄餅.

上枱時香味撲鼻.

配料簡單, 但卻非常夾, 我自己就好鍾意, 入口有淡淡的黑松露味道.

餅底係薄身, 但不是脆身那種口感.

這間小店的菜式幾特別和有心機, 下次可以試下其他菜式.