抵食二人餐 @ ilis

早前去了尖沙咀ilis食晚飯，選了二人晚餐，

餐前小食係水牛芝士伴紫蘇梅蕃茄凍.

賣相幾精緻, 入口酸酸甜甜, 幾醒胃, 好適合作為餐前小食.

前菜二選一，選了法式焗田螺.

上枱時香味撲鼻.

田螺唔會太乾身, 而且薯蓉幾幼滑.

沙律二選一，選了巴馬火腿沙律.

估唔到份量都幾大.

蔬菜幾爽脆, 而火腿唔算太咸, 與蔬菜一齊食, 兩者好夾.

餐湯係南瓜湯.

南瓜湯質感偏向稀身, 我自己較鍾意杰身一點.

主菜選了香煎青衣柳野米飯和慢煮西班牙黑毛豬扒.

香煎青衣柳野米飯.

青衣柳都幾大件.

我自己特別鍾意個飯, 加入野米, 口感多一點, 健康也多一點.

慢煮西班牙黑毛豬扒.

賣相好靚.

黑毛豬扒切成一條條, 較易食. 但對於我來講, 偏向肥一點, 我鍾意瘦一些.

配料也不要錯過, 除了瓜外, 仲有水果, 顏色夠繽紛, 也可以起中和作用.

甜品三選一，選了朱古力心太軟.

估不到跟餐不用加錢也有心太軟.

一切開, 朱古力流水, 時間控制不錯, 甜度也適中.

飲品點了熱朱古力啡咖.

價錢只係$418加一，相當抵食.