抵食半自助晚餐 @ 野玩山店

早前相約在港島區工作的友人食飯, 我地選了位於灣仔野玩山店食飯.

原來這裡係半自助餐形式，沙律, 前菜和甜品係任食，再配餐湯，主菜和飲品，價錢由$168起.

主菜款式相當廣泛, 有意粉, 飯, 海鮮, 魚和肉類, 總有一款啱你. 我選了全隻香濃芝士焗波士頓龍蝦.

店員先奉上是日餐湯.

湯幾滑身, 味道調教不錯.

接着, 就食西班牙火腿配蜜瓜, 咸牛肉片, 鴨胸, 沙律等.

當中特別愛食西班牙火腿配蜜瓜和咸牛肉片.

這些可以任食真係好抵食.

全隻香濃芝士焗波士頓龍蝦上枱.

賣相相當吸引.

一切開已經香味撲鼻.

龍蝦肉夠爽口彈牙, 再配上芝士, 雙重口感.

另外, 以薯角，西蘭花，椰菜花墊底, 可以起中和作用.

我另外加$18點了熱的新鮮生薑蜂蜜.

入口已經有濃郁的生薑味道, 啱晒我的口味.

甜品我想試梳乎厘班戟, 所以加了$58.

甜品上枱.

一共有兩塊.

這個要盡快食, 好鬆軟, 蛋香味尚不錯, 再濃郁一點更好味, 甜度適中, 不會感覺太膩.