工廈覓食 @ Number Fifteen

之前多數去觀塘工廠大廈食飯，今次首次去荔枝角工廠大廈試下, 這次選了Number Fifteen.

這裡除了單點外，仲有Dinner Set, 價錢由$358 - $498, 包括starter, soup, entree, dessert各二選一，main course六選一和飲品. 對於唔想選擇的我來講, 這個啱晒.

我選了醃虎蝦伴煎銀鱈魚柳藜麥沙律，法式龍蝦湯，鮮蟹肉焗釀大啡茄伴紅花牛油汁，北海道帶子牛肝菌意大利飯，松子仁蘿勒葉，雜莓芝士杯和熱咖啡.

店員先奉上醃虎蝦伴煎銀鱈魚柳藜麥沙律.

虎蝦幾大隻, 又夠爽口, 醬汁帶點酸酸地, 夠醒胃, 作為頭盤最適合不過.

近年流行食藜麥, 因為被喻為super food.

這次作為沙律, 幾有口感, 當中混入了銀鱈魚柳, 但就唔太覺有, 若多一點銀鱈魚柳會更好.

法式龍蝦湯.

湯最基本係夠熱, 這個啱晒我.

湯的稀杰度適中, 尚算鮮味. 而湯中還有龍蝦肉.

鮮蟹肉焗釀大啡茄伴紅花牛油汁.

我自己鍾意食大啡菇.

個菇好夠肉汁, 一切開汁就濺出.

再配上一絲絲的蟹肉, 雙重口感.

主菜上枱, 香味撲鼻.

北海道帶子牛肝菌意大利飯，松子仁蘿勒葉.

估不到有三大隻帶子.

帶子整的時間剛剛好, 軟硬適中.

這裡意大利飯的質感是偏向軟身和黏一點, 與牛肝菌一齊食, 兩者好夾, 感覺又不會太膩.

甜品是雜莓芝士杯.

賣相幾精緻.

杯中有忌廉, 紅莓和餅乾, 口感幾豐富.

最後飲番一杯熱咖啡, 這一餐相當滿足.