男神西多士伴雪糕 @ 小寶當家

早前難得入元朗做嘢, 做完後, 順便食埋嘢先走, 見到一間叫小寶當家的甜品店幾吸引, 便入去試下.

甜品款式有不少, 我就被玩轉西多士系列所吸引.

最後, 我點了男神西多士伴雪糕, 原來是花生與榛子朱古力.

西多士上枱.

完全被吸引住, 西士多面放滿了花生和花生醬, 醬真是好多, 完全啱晒我的要求, 因為要多醬先好味道.

仲放了一球雪糕和一些生果作為點綴.

切開西多士, 見到內裡有香濃的榛子朱古力醬, 與西多士好夾.

味道的確偏甜一點, 但可以接受.

飲品我選了北海道3.6綿花糖牛奶系列的人細鬼大.

個名係咪好得意, 其實是華田咖啡.

賣相相當精緻.

杯面放了滿滿的忌廉, 並以綿花糖作為點綴.

忌廉相當幼滑, 配上帶甜的綿花糖, 兩者好夾.

而華田配咖啡感覺幾特別, 我還是首次咁飲.

華田味道相對較為突出, 入口有淡淡的咖啡香味.

元朗果然多美食, 下次有機會要再試其他食店.