天草黑毛和牛炒飯 @ 天草漁場

早前趁Sogo大減價, 便去銅鑼灣一趟, 順便在天草漁場食晚.

我先選了藁草燒鰹魚刺身.

由於我想食鰹魚, 但我又唔食生嘢, 所以特別要求師傅燒到全熟.

全熟的鰹魚相對半生熟來講會較硬身些, 但對於食慣全熟的我, 這樣口感完全可以接受, 入口唔會好乾身, 魚味幾突出.

豚平玉子卷.

我自己鍾意食蛋卷, 這個蛋卷混入了豚肉和蔬菜,多了一份口感, 又無咁膩.

師傅整蛋時, 控制時間好, 蛋還帶點流心, 夠滑身, 非常好味.

我想食燒海鮮, 點了兩款.

天草緋扇貝.

估不到扇貝的殼是黃色, 原來還有不同顏色, 我也是首次見到.

肉質幾彈牙, 又夠鮮美.

天草燒真蠔.

蠔好大隻, 又夠鮑滿, 即時燒熟了, 仍然保持大隻.

蠔味不俗, 而且剛好全熟, 夠嫩滑, 我就可以放心食.

最後, 我點了天草黑毛和牛炒飯.

上枱時已經香味撲鼻.

飯炒得夠乾身, 入口時食到一粒粒米, 而不是黏住. 飯的質感軟硬適中, 又不會太油.

和牛肉質夠稔身, 與炒飯好夾.

這一餐非常豐富, 坐得又舒服.