全蟹宴 @ 奈良上釜

之前已經聽友人講過銅鑼灣新開了一間日式釜飯專門店, 我也有興趣一試, 早前終於有機會去.

這裡釜飯的款式也有不少選擇, 還有蕎麥麵.

最後我選了期間限定蟹盛釜飯定食.

店員先奉上松葉蟹腳和松葉蟹天婦羅, 兩款食法.

松葉蟹腳的殼已整開, 只需要用附上的小匙羹便能整出蟹肉, 估不到有咁多蟹肉.

蟹肉夠鮮甜, 就咁食已好好味, 我也試了點醋, 我自己鍾意不點汁食.

松葉蟹天婦羅.

炸粉幾薄身, 一咬開外層夠鬆化, 啖啖肉.

兩款食法我也鍾意.

再來主角出場.

除了釜飯外, 還有松葉蟹茶碗蒸, 麵豉湯, 漬物和生果.

我先食松葉蟹茶碗蒸.

賣相好精緻.

蒸蛋時間控制剛好, 蛋夠滑身. 而且當中有一隻松葉蟹鉗, 特別鮮美.

一打開釜飯, 見到內裡有蟹肉蟹膏蟹籽.

食的時間先混合所有.

每一啖飯也包含了蟹肉, 蟹膏和卜卜脆的蟹籽, 多重口感.

飯的味道較淡, 卻能食出蟹的味道.

愛食飯焦的朋友, 可以等久一點時間才食, 這樣就能食到較有咬口的飯焦.