黃金心太軟配雪糕 @ The Staff

自從友人帶我去大角咀一帶食飯後, 才發現大角咀也有不少食店, 早前便去了The Staff食飯.

我見這裡的晚餐都幾吸引, 也懶得去諗.

前菜五選二, 主菜有五款選擇, 甜品二選一, 並有飲品, 改為特色咖啡加$10, 而特式飲品加$18.

前菜選了主廚濃湯配餐包和藏紅花茴香柚子魷魚沙律.

主廚濃湯配餐包. 當日是蕃茄湯.

個湯夠熱, 不但蕃茄味夠濃郁, 而且質地較為杰身, 同平日飲的有所不同.

藏紅花茴香柚子魷魚沙律.

見到個名甘特別, 所以點了.

沙律夠爽脆清新, 幾開胃.

魷魚又彈牙.

主菜選了野菌汁蝴蝶春雞配甘荀牛油飯.

上枱時已香味撲鼻.

全隻雞上枱, 份量也不少.

雞肉尚算嫩滑, 不會太乾身.

而甘荀牛油飯, 入口有淡淡牛油香味, 但多一點會更佳.

甜品選了焦糖燉蛋.

甜度適中, 若蛋再滑身一點更好味.

另外, 再點了多一款甜品, 就是黃金心太軟配雪糕.

朱古力心太軟食得多, 但奶皇餡未試過.

賣相精緻.

切開後, 奶皇流出, 夠流心.

入口時充滿奶皇的香味, 又夠滑身, 又不會覺得太甜.

最後, 飲番一杯熱咖啡.

幾幼滑, 仲好完滿.