健康晚餐@ Elephant Grounds

較早前相約在金鐘工作的友人食飯, 佢帶我去星街一帶的食店. 我自己較少去這一帶食飯, 今次在友人帶領下, 可以試新嘢, 我地去了一間叫Elephant Grounds的餐廳.

店內的裝修以簡約設計為主, 俾人一種舒服的感覺, 好適合與三五知己放工後來這裡食嘢傾計.

細心留意一下, 枱上的碟, 飲品杯也印有餐廳名和圖案.

我先點一杯飲品, 愛飲朱古力的我, 見到一杯叫Rainbow Hot Chocolate.

即時被吸引住, 原來是白朱古力, 好想知道怎樣叫Rainbow.

原來是用上七彩拉花.

初時有點擔心白朱古力會否過甜, 但完全不覺得甜, 感覺有點似飲鮮奶.

我地點了一個沙律, 這裡款式也有不少, 我地點了一個叫Brussels Sprouts Radish.

上枱時發現這是一個熱的沙律, 感覺好特別.

當中的材料也相當豐富, 有椰菜仔, 風乾豬面頰肉和蘿蔔, 再配上煎蛋醬汁. 這樣的配搭也幾有創意, 平日食的沙律較少用上椰菜仔.

不但材料夠新鮮, 而且又夠健康.

而風乾豬面頰肉是薄身, 帶點脆身, 蘿蔔又有點脆脆地, 幾款材料一齊食, 多重口感.

Avocado Toast.

賣相俾人的感覺好清新, 又健康, 因為當中有大量的蔬菜, 牛油果.

最吸引我當然是半熟雞蛋, 一切開, 蛋黃一湧而出, 夠晒流心.

脆身的多士加上牛油果和蛋, 口感豐富.

主菜點了Miso Black Cod.

黑鱈魚由白味噌醃成. 魚的色澤雪白, 而且是一片片, 肉質也好嫩滑.

並配以不同的蔬菜, 如枝豆，花椰菜薄片, 薯蓉及凍紅蘿蔔, 感覺清新, 又夠健康.

甜品時間, 點了雪糕三文治.

賣相相當精緻.

這是我愛食的馬卡龍,  中間是柚子雪糕.

馬卡龍帶點脆身, 甜度適中, 再配上帶點酸的柚子雪糕, 可以中和馬卡龍的甜度, 兩者配搭不俗.