鬼怪萬聖英式下午茶 @ DK CUPPA TEA

踏入十月, 四周又開始宣傳一年一度的萬聖節活動, 但我細膽, 所有有關萬聖節的活動也不用預我, 但凡事有例如, 早前去了位於中環的DK CUPPA TEA食了佢地限定推出的以萬聖節為題的鬼怪萬聖英式下午茶.

一入到店內, 枱上已經放了萬聖節擺設.

店員先奉上飲品.

有一支針筒, 原來是柚蜜, 飲品是碟豆花和玫瑰花水.

飲的時候將針筒混入飲品中.

最後飲品會變咗紫色, 玩味十足.

係享用下午茶前, 有一個簡單遊戲, 就是求籤儀式.

不同的籤, 有不同的香薰油, 可以先聞下才開始食嘢.

接着, 店員奉上下午茶餐.

上枱時已被賣相所吸引, 全部都好精緻.

蝦子南瓜湯.

湯有淡淡的南瓜味, 稀杰適中, 由於蝦是生, 所以我無食.

法式燉蛋, 蛋面有籤符糖片.

食的時候, 先燒溶佢, 就成了焦糖燉蛋, 好有諗頭. 燉蛋尚算滑身, 甜度適中.

鬼怪 macaroon和蜘蛛冰餅乾.

造型可愛, 口感較為鬆化.

盜墓雞肉批.

內裡的雞肉饀幾嫩滑, 外層酥皮幾鬆化.

迷迭香牛角包.

個包幾脆身, 充滿香草味道.

有三粒包成糖果的小食, 初時以為糖, 但打開時是熱, 原來是芝士魚蛋, 龍蝦芥辣包心丸和芝士年糕. 味道不錯.

血淋眼球巧克力鬆餅.

眼球是朱古力, 而鬆餅內裡有流心朱古力醬.

本身較鍾意食甜和濃味, 這個朱古力鬆餅啱晒我, 但對有些人來講會偏甜一點.

南瓜白松露巧克力配芝麻黑糖麻糬.

南瓜白松露巧克力的朱古力算幾香濃, 而麻糬夠煙煙韌韌, 內裡的芝麻味好香濃, 愛食芝麻的朋友要試下呀.

這個充滿玩味的下午茶餐真是好適合這個十月來食.