浮遊童心下午茶 @ DK Cuppa Tea

我自己好鍾意同好友趁放假時去食下午茶, 尤其有特式主題. 早前便去了位於上環DK Cuppa Tea食下午茶, 今次主題是浮遊童心下午茶, 以黃色鴨仔做主角.

坐下後, 店員先奉上有機花茶.

花茶味道幾清新.

Majito雪芭.

入口帶點酸酸, 幾醒胃.

接着, 店員奉上下午茶.

賣相夠精緻, 尤其以黃色鴨仔造型整成的餅乾和朱古力, 非常可愛, 不論女士或是小朋友見到也好開心.

兩款味道也不錯, 朱古力偏向甜一點, 對於愛食甜的我, 啱晒我口味.

另一個焦點所在是泡泡小浴缸, 內裡是三款不同口味的香腸, 切成一粒粒, 方便進食.

檸檬味的Cupcake.

入口有檸檬香味, 又酸酸地, 幾醒胃.

檸檬味的馬卡龍.

馬卡龍面也有可愛鴨仔造型, 這個口感帶點脆身, 甜度算適中.

一口氣食了好幾款甜點, 係時候食咸點中和一下.

海鮮芝士釀麒麟蚌.

材料幾豐富, 有不同的海鮮, 洋蒽等配料, 再在面上放滿芝士, 焗出來特別香, 味道調教不錯.

加拿大蟹鉗.

原來蟹鉗, 入口幾彈牙, 仲啖啖肉.

香草牛角酥.

外層幾香脆, 入口帶有淡淡的香草味, 幾好味.