燒大菇和牛漢堡配薯格 @ Burgerman

自從有一次友人帶我去大角咀食嘢後, 我才知道大角咀美食多, 各式各樣的特式小店, 早前我便去了Burgerman食我愛食的漢堡包.

店舖不算大, 座位大約十幾二十個, 食嘢期間見到不少人也是外賣.

雖然店子小, 但卻好顧及客人的需要.

在枱上放有紙巾, 膠义和膠手套, 方便客人食嘢時使用.

仲提供免費WiFi添.

這裡漢堡包款式大約有十款, 不食漢堡包, 仲有沙律, 意粉和小食可以選擇.

最後, 我選了這裡的人氣食品, 和牛漢堡, 額外加燒大菇.

除了單點, 可以加$18轉做套餐. 可選擇薯條, 薯格或沙律和罐裝汽水.

我要了薯格, 另外加$5要了椰子水.

店員先奉上椰子水.

由於即點即整, 所以要稍為等一下, 主角終於出現.

燒大菇和牛漢堡配薯格, 份量都不少.

第一時間試下個漢堡包, 由於我唔食生嘢, 所以特別要求和牛要全熟.

一切開個包, 肉汁已經流出, 非常吸引.

即使是全熟, 和牛的肉質仍然相當鬆軟, 又夠多汁, 每咬一口, 牛味也濃郁, 可以話一試就愛上.

大菇幾厚身, 也多汁, 對於我來講, 大菇與牛肉是最佳拍檔.

平日食餐多數是配薯條, 較少有得選擇薯格, 所以我一見到便選了薯格.

薯格外層帶點脆身, 薯味也較薯條濃, 口感較佳.

下次再來的時候, 我要試下其他款式.