與友歡聚 @ 神戶屋日韓放題

一班朋友食飯, 唔知食咩好, 放題是最好選擇, 各人可以因應自己的喜愛而選擇. 早前我地便去了位於旺角的神戶屋日韓放題食放晚飯.

放題的選擇也有不同種類, 如刺身, 壽司, 炸物, 天婦羅, 串燒, 日本料理等…

飲品選擇也有不少, 我揀了忌廉溝鮮奶.

食放題大家必定點刺身, 但由於我唔食生嘢, 所以當朋友食刺身時, 我就點其他嘢食.

我先點幾款壽司, 包括鰻魚, 熟帶子, 蟹柳和玉子壽司.

壽司味道不錯, 我自己特別鍾意食熟帶子和蟹柳壽司.

再來就是鐵板款式, 包括蒜香帆立貝和金菇牛肉卷.

蒜香帆立貝.

帆立貝不是好大粒, 但口感不錯, 不會太硬, 而且入口多了一份蒜香味.

金菇牛肉卷.

最怕牛肉太乾身, 這個就適中, 還帶有點肉汁.

煮蝦也不錯, 幾惹味.

食放題, 炸物和天婦羅可以話是必點款式.

炸物點了帶子和炸蝦.

由於是以吉列形式整, 所以外皮較脆口和厚身一點.

帶子和蝦肉也算結實, 但略覺得無乜味.

我自己鍾意食蝦, 天婦羅也點了蝦

對於我來講, 炸粉是重要一環, 太厚的炸漿入口時感覺只食層外皮, 這裡的炸漿算薄身, 入口時幾鬆化.

相對下, 天婦羅整法較好味一點.

最後甜品也點了幾款, 包括咖啡泡芙, 朱古力蛋糕.

估不到甜品水準不錯, 朱古力味幾香濃幼滑, 泡芙外層還帶有少許脆身.