德洲燒烤漢堡 @ The Americano

平日我都好少去荔枝角一帶食飯, 只是友人在那區返工, 便帶我去工廠大廈裡的食店覓食, 今回佢選擇了新開的The Americano.

這裡的怖置以簡約為主, 座位幾寛闊, 令人坐得舒服, 最啱來這裡一邊食飯, 一邊傾計.

愛食漢堡包的我, 當然選擇漢堡包, 一共有六款口味, 最後, 我選了德洲燒烤漢堡.

上枱時已經香味撲鼻.

份量都幾大份, 材料豐富, 包括6安士煙燻牛肉漢堡, 煙肉, 炸洋蒽圈, 車打芝士, 生菜, 並混入秘制墨西哥青椒燒烤醬.

牛肉漢堡肉質幾嫩滑, 唔會覺得好乾身, 再配上帶點微辣的秘制醬汁和芝士, 多重口感.

個包能夠保持脆身, 內裡帶點鬆軟, 這個好重要.

而包裡混入了洋蒽圈和生菜, 起了中和作用.

這裡的薯條是我愛食的厚切薯條, 炸得金黃色, 較有口感, 薯味也相對較濃.

在漢堡包旁放了半邊酸青瓜, 夠脆口, 帶點酸酸地, 夠醒胃.