晚餐 @ 樂天皇朝

平日同朋友出外食飯, 多數以日韓或西餐為主, 但與家人外出食飯, 就會選擇中菜或上海菜為主, 早前便去了位於銅鑼灣的樂天皇朝食晚飯.

一踏入店肉, 燈光較為昏暗, 面積大, 當中最特別是店中間有一條流水, 幾生動,而兩旁是座位, 座位也夠寬闊, 坐得舒服.

見到樂天皇朝這間食店, 自然會想起佢地的八色小籠包, 可以一次過試齊八款口味, 的確幾吸引. 本來我也想試下這個, 但家人見到最新推出了一款限定的小籠包 - 避風塘炒蟹小籠包後, 話想試試, 難得佢咁想試, 便點了這款.

避風塘炒蟹小籠包.

這款小籠包皮是由兩款顏色而成, 幾色彩繽紛.

小籠包可以選擇六粒或十粒, 我地選了六粒.

小籠包皮厚薄尚算適中, 內裡的豬肉餡料帶有辣, 幸好不算太辣, 即時不太食得辣的我也可以接受, 若湯汁多一點會更好味.

我地點了揚州蟹粉獅子頭和清燉雞湯.

兩款湯也是用上燉盅, 可以保持湯的熱度, 對於我來講這是好重要, 因為湯最基本是要夠熱.

揚州蟹粉獅子頭.

材料有獅子頭和菜, 湯夠鮮甜, 而獅子頭肉質不硬, 但就不太食到蟹粉, 味道幾清, 食完濃味的小籠包, 飲這個湯就剛剛好.

清燉雞湯.

同樣湯夠鮮美, 而雞肉肉質尚算嫩滑.

兩款湯都好飲, 愛飲湯的朋友可以試試.

主菜點了竹筒剁椒魚片和京蔥美國肥牛肉.

竹筒剁椒魚片.

我地唔食得太辣, 所以落單時講了要小辣.

用上竹筒承載器具, 賣相精緻.

魚片雪白, 又夠嫩滑, 入口時帶有辣, 調味適中.

不要小看竹筒, 原來份量也不少.

京蔥美國肥牛肉.

落單時講了要少油.

牛肉薄而且腍身, 因為用上京蔥整, 所以幾惹味, 不知不覺令人食完一塊又一塊.

甜品我地點了宮廷驢打滾和滋補薑茶湯圓.

宮廷驢打滾.

這是用糯米整成一卷, 餡料是紅豆蓉.

糯米不但煙煙韌韌, 而且夠鬆軟, 感覺綿綿.

而紅豆蓉又不會過甜, 與糯米好夾.

滋補薑茶湯圓.

湯圓是我愛食的芝麻餡, 一咬開, 芝麻流出, 夠流心, 芝麻味夠香, 而湯圓皮薄而煙韌, 再配搭夠濃的薑茶, 兩者是最佳拍檔.