燒牛舌配日本蜜糖芥辣 @ CHEF STAGE de Eddy Chu

上星期相約一個一排無見的好友食飯, 難得見面, 決定食一餐好一點, 朋友提議去位於尖沙咀的CHEF STAGE de Eddy Chu食晚飯.

這間店位於19樓, 剛巧被安排的位置, 可以眺望一部份維港夜景, 面對着這裡的環境食飯, 特別開懷.

我地先點了一個乳酪鮮蝦芒果雜菜沙律.

蔬菜夠新鮮爽脆, 若大蝦和芒果份量能夠多一點會更好.

另外, 點了一個湯, 見到黑毛豬海鮮肉骨茶幾特別.

對於我來講, 湯最基本要夠熱. 這個湯非常熱, 連湯邊也好熱, 啱晒我.

肉骨茶的材料好豐富, 包括鮑魚, 魚, 肉和蝦.

個湯唔算好濃郁, 入口有淡淡的肉骨茶的香味, 非常好飲.

鮑魚夠彈牙, 口感十足.

肉夠腍身, 完全不覺得乾身.

蝦肉鮮甜和彈牙.

魚肉夠嫩滑.

所有材料都吸收晒肉骨茶的精華, 兩者好夾, 而且這樣配搭幾特別.

愛食牛舌的我, 見到有燒牛舌配日本蜜糖芥辣, 第一時間點了.

牛舌切成厚厚的一小條, 和平日食的一片片, 口感大好多.

牛舌相常腍身, 又夠鬆軟.

點了蜜糖芥末更能帶出牛舌的味道.

不論單食或是點醬, 同樣好味.

愛食牛舌的朋友, 來這裡必試這個.

主菜點了懷舊薯蓉海鮮大會.

當中包括鮑魚, 魚柳, 帶子和蝦, 份量也不少, 而且四周放滿紫薯, 啱晒鍾意食紫薯的我.

魚肉夠嫩滑, 整塊也是肉, 啱晒怕骨的我.

蝦肉爽口彈牙.

帶子夠雪白鮮美.

估不到佢會用紫薯, 上枱時也有驚喜.

燒原隻法國春雞.

這個燒春雞相對較為失望.

切開雞肉時, 已覺得有點乾, 而且唔熱, 似是放涼咗才拎出來.

相對地, 我自己就好鍾意佢地的配菜是用紫薯, 大多數店舖也是用薯仔.

這個紫薯軟硬適中, 入口多了一份紫薯味道, 較平日用薯蓉配菜更好味.

最後, 飲番一杯新鮮蘋果汁, 非常舒服.