蜂蜜燕窩水晶蛋 @ 御品薈

不在炮台山工作也不知道這一區有不少食肆和小店, 所以午飯時間, 我也會四周行下, 睇下有無新發現.

前幾日食完飯後, 經過城市花園, 無意中見到這間叫御品薈的店舖.

這店舖主要售賣各款即食海參,  乾鮑,  燕窩  ,元貝等產品, 但我被其中一個好精緻的琉璃蛋所吸引住, 好奇心驅使下, 入到店內望清楚, 究竟是咩來呢?

向店員細員下, 原來這隻琉璃蛋是蜂蜜燕窩水晶蛋.

原價要成$298, 依加做推廣, 只需要$98, 所以買了一隻返公司當飯後甜品.

這隻蜂蜜燕窩水晶蛋以琉璃蛋型承載着, 單是外表已經好吸引, 尤其是女士.

另外, 附有一包紐西蘭麥蘆卡蜂蜜, 食的時候可以因應自己的喜愛而混入蜂蜜於燕窩中.

一打開琉璃蓋後, 啫喱面放滿了燕窩.

燕窩的份量俾我想像中多.

之後, 我就加入整包蜂蜜, 混入燕窩中.

由於燕窩本身是無乜味道, 加入蜂蜜後, 入口時, 多了一份蜂蜜的清甜.

而麥蘆卡的蜂蜜和平日食的蜜糖有所不同, 甜味是天然的清甜, 而不是人工製成的甜.

食完燕窩後, 當然要食埋下面的啫喱. 啫喱甜度適中, 不會過甜.

燕窩有養顏作用, 女士一定喜歡, 加上用上麥蘆卡蜂蜜, 絶對食得放心又健康.