泰式小食拼盤 @ 拳王泰國餐廳

近年打拳越來越受歡迎，前幾日就去了一間以打拳擂台為主題的餐廳，這間就是位於銅鑼灣的拳王泰國餐廳.

由於以打拳擂台作為賣點，店內不但播放拳賽供客人欣賞.

牆上也貼滿了相關的物品.

而椅子也以沙包作為設計藍本，非常有特色.

坐下後, 店員先奉上蝦片.

來食泰國菜，我多數會點椰青.

椰青算大個，水又夠多，味道清甜.

食較濃味的泰國菜，飲椰青可以起中和作用.

泰式小食拼盤.

想一口氣試多幾款小食，點拼盤最好不過.

當中包括蝦餅，魚餅，香葉烤雞，春卷，雞肉丸，非常豐富.

拼盤有多款炸物，但不算太油膩.

我試了其中三四款.

蝦餅魚餅幾爽口和彈牙.

香葉烤雞，雞肉算嫩滑，入口時多了一份淡淡香葉味.

 另外, 點了一份海南雞.

這裡的海南雞和平日有點不同, 佢會有壺熱湯, 等客人淋入雞中.

雞肉夠嫩滑, 又鮮味. 來這裡要一試這裡.

拳王炒飯.

由於我不太食得辣，所以大家也就我.

飯粒幾乾身，不會過於黏身，軟硬度適中.

我地點了燒菠蘿.

上檯時嚇了一跳，每件的菠蘿相當大，好似一隻雪條甘.

由於菠蘿好厚身，口感十足.

菠蘿也夠甜，唯獨不夠嫩身，食的時候較多渣.

甜品點了焦糖燉蛋.

燉蛋面有一層焦糖，又薄又脆.

燉蛋夠滑身，入口時還有一份淡淡的椰子香味.