生日飯 @ 浪人日本料理

今年生日, 我選擇了我最愛的日本菜食晚飯, 想揾一間環境較為舒服的地方食飯和傾計, 最後去了位於中環M88的浪人日本料理.

店內的裝修充滿日本風, 這正是我鍾意的風格.

前菜是枝豆三食, 分別是原味, 芥末和醬油三款味道.

原味枝豆就食得多, 芥末和醬油味卻是首次食.

兩者中, 我較愛食芥末味, 芥末是新鮮磨出來, 入口味道是不同, 而且幾攻鼻, 夠醒胃, 這也是我愛食芥末的原因.

接着是刺身和壽司.

上枱已見擺放得好靚.

由於我不食嘢, 這是友人點.

友人食後, 話刺身夠新鮮, 而且夠厚身, 入口較有口感.

而壽司飯不會過於鬆散, 飯的大小適中.

而我就點了立田炸盛物, 當中包括炸鮑魚和炸雞.

炸粉不會過厚, 而經過炸後, 鮑魚夠juicy, 雞肉仍然嫩滑, 而不會乾又硬.

吉列日式黑豚肉.

試了這裡的炸物, 對於吉列款式同樣有期望.

外皮的吉列咬時夠鬆化, 又唔會太厚.

而黑豚肉肥瘦分怖也均勻, 入口帶點甘香, 肉質夠腍身和鬆軟.

唯一是我自己是鍾意食偏瘦, 所以這個對於我來講略為肥了一點.

黑豚肉本身已夠味道, 我只點了沙律醬, 這個可以中和一下.

熱稻庭烏冬.

這裡的烏冬是較為幼身.

入口時烏冬幾滑身, 也算煙煙韌韌, 這是我鍾意食的口感.

之前食了兩款炸物, 食番一個熱辣辣的烏冬, 可以中和一下.

在這個舒服的環境下渡過了一個愉快的生日.