粉絲膏蟹煲 @ 泰園

較早前已經去過位於尖沙咀的泰園食Lunch Brunch, 不論價錢或是質量也不錯.

後來, 得知泰園在灣仔開了分店, 地點好方便我, 所以便約了同時港島區工作的好友去食晚飯.

店內裝修簡約, 坐位也算寬闊.

食泰國菜, 我最愛食粉絲蝦煲或蟹煲, 今次我地點了粉絲膏蟹煲.

上枱時已香味撲鼻,

肉蟹都算大隻, 蟹肉夠爽口和彈牙.

而且蟹蓋的蟹膏相當多, 可以兩個人每人食一部份.

入口夠甘香, 令人相當回味.

識食當然是食粉絲, 因為粉絲吸收晒蟹的精華, 所以非常好味.

粉絲軟硬適中, 而且幾乾身, 這是我鍾意食的質感.

泰式海南雞半隻.

友人愛食海南雞, 所以點了半隻試下.

海鮮雞色澤好靚, 見到也想即刻食.

雞肉夠嫩滑, 而且調教的味道剛剛好, 對於我來講, 不用再點任何醬汁已經夠味. 雞味尚算不錯.

由於我不食雞皮, 唔知口感怎樣, 友人食了就話幾爽, 口感不錯.

而佢想惹味一點, 所以點了附上的醬汁一齊食.

一口氣食了濃味的粉絲膏蟹煲和啖啖肉的海南雞, 我地就點了一個炒時菜用來中和一下.

我地選了蝦醬鮮魷炒通菜.

炒菜看似簡單, 但要炒得好味也有一定的技巧.

控制時間不錯, 軟硬適中.

蝦醬夠惹味, 而鮮魷也不過太硬, 吸收晒蝦醬的味道.