悠閒一個晚上 @ Seoulmate Café

早前忙完一個星期, 星期五晚最好就是輕鬆一下, 便去了西環Seoulmate Café食飯.

這是一間幾別緻的小店, 坐位不多, 只有十幾個.

但這店的設計幾有心思, 尤其是戶外, 最適合入秋來這裡, 帶點秋意, 諗起都幾舒服.

餐牌也整得好別緻.

當日胃口一般, 想食得清淡一點, 所以點了韓式涼伴麵.

而飲品點了熱帶水果.

韓式涼伴麵.

這個麵材料有豆乾, 蔬菜, 蘿蔔, 雞蛋, 色彩繽紛.

隨麵附有一個醬汁, 對於不太食得辣的我來講, 個醬汁都頗辣, 所以我只加了少計.

這個麵是水晶麵, 麵質煙煙韌韌, 幾彈牙, 口感不俗.

而蔬菜和蘿蔔幾爽脆, 清清地, 幾啱沒有胃口的我去食.

豆乾是帶點辣, 辣度可以接受, 幾惹味.

材料雖然較為簡單, 但配合起來, 整體味道不錯.

熱帶水果.

我自己都幾鍾意飲花茶, 而這個熱帶水果幾清新, 帶點酸酸地.

不過對於我來講就淡了一點, 味道濃一點會更好飲.