初試Baby Cafe

旺角朗豪坊食店林立, 選擇不少, 今次決定試下我未食過的店舖, 最後去了Baby Café.

這裡餐牌封面當然會以Angelababy 做生招牌.

二人晚餐有沙律, 湯, 焗蠔, 主菜兩款, 飲品, 加埋一大約四百幾蚊, 價錢還可以, 所以點了.

首先是藜麥海鮮雜菜沙律.

海鮮有蝦, 墨魚仔和青口,  幾款也算彈牙, 而蔬菜就夠爽脆, 配上帶點酸的醬汁, 夠醒胃.

酥皮黑松露湯.

這是即焗完上枱, 所以酥皮好香, 而個湯夠晒熱, 這是我最愛的熱度.

湯內混入好多黑松露碎, 所以夠晒香濃, 仲充滿黑松露的香味.

黃金焗生蠔.

蠔都幾大隻, 而蠔味又算濃郁. 由於我不食生, 所以自已最愛焗蠔食法.

主菜朋友點了鵝肝伴牛柳. 而我點了燒海鱸魚伴帶子.

燒海鱸魚伴帶子賣相都幾精緻.

海鱸魚肉質夠彈牙, 又夠雪白和鮮味, 而且啖啖肉.

帶子不乾身, 不論魚或是帶子, 時間也控制得不錯.

另外, 也有一些配菜, 這樣可以中和一下.

飲品點了熱檸水. 另可加$19選擇無酒精飲品.

可惜這個二人餐沒有甜品, 否則會更完滿.

 \