工業大廈覓食記 @ Unique Café & Kitchen

本身較少去觀塘食飯, 多數去APM為主. 今次經朋友介紹, 去了位於工業大廈Unique Café & Kitchen食飯.

這裡怖置較為簡約為主.

見到有晚餐, 當中包括沙律, 餐湯, 主菜, 甜品和飲品.

沙律是蟹肉, 青瓜, 西柚檸檬油醋.

這個沙律以青瓜和西柚蟹肉, 好清新, 青瓜夠爽, 而西柚夠甜, 不太苦, 好適合夏天食用, 點埋個醬汁, 幾醒胃.

餐湯是南瓜湯.

南瓜湯幾滑身, 飲時充滿淡淡南瓜的味道, 味道調教不錯.

主菜選了黑毛豬豬架, 青蘋果, 薑, 橙香油醋.

賣相精緻.

黑毛豬肉質幾嫩滑, 就咁食對於我來講淡了一點, 所以配上橙香油醋, 幾特別, 更能帶出肉味.

平日食主菜, 伴菜多是雜菜, 薯菜. 但我這個卻以青蘋果粒為伴菜.

煮過的青蘋果粒較甜, 口感有點似蘋果批的餡, 幾好味.

甜品是菠蘿, 椰子, 芫茜, 無花果, 牛油酥餅.

平日跟餐的甜品也是簡單為主, 好少整得咁有心思.

無花果幾鮮甜, 椰子片唔會太甜, 有淡淡的椰子味.

初時以為橙黃色那件是慕絲, 入口才發現是凍, 好大菠蘿味, 好好味.

飲品我點了咖啡, 若不想飲咖啡或茶, 用半價轉為餐牌中的飲品.

咖啡夠熱, 味道算可以, 沒有太大特別.

整體來講, 每道款式不論選材, 配搭和擺放也有心思, 唯獨是價位略高, 只在工業大廈,一個晚餐加一卻要三百幾蚊, 這個價位可以有好多選擇.